«Гордость Нации» диэн Бүтүн Арассыыйатааҕы бириэмийэҕэ сайаапкалары туталлар

Этнокултуурунай сайдыыга уонна Арассыыйа норуоттарын сомоҕолоһуутун бөҕөргөтүүгэ кылаат иһин «Гордость Нации» диэн Бүтүн Арассыыйатааҕы уопсастыбаннай бириэмийэҕэ сайаапкалары туталлар. Тэрээһини сыллата Арассыыйа норуоттарын Ассамблеята ыытар.
2025 сылга бириэмийэ куонкуруһа икки түһүмэхтээх ыытыллар: эрэгийиэннэр икки ардыларынааҕы (уокуруктааҕы) уонна федеральнай таһымнаах. Лауреаттары Москваҕа Норуоттар сомоҕолоһууларын күнүгэр анаан ыытыллар тэрээһиннэргэ үөрүүлээх быһыыга-майгыга наҕараадалыахтара. Уһук Илиҥҥи федеральнай уокурукка эрэгийиэннэр икки ардыларынааҕы түһүмэхтэрэ алтынньы 11 күнүгэр Дьокуускайга ыытыллыаҕа.
Сайаапкалары балаҕан ыйын 30 күнүгэр диэри бириэмийэ официальнай порталыгар туталлар: https://гордость-нации.рф/
Бириэмйиэ сэттэ номинациянан туттарыллар:
— гражданскай сомоҕолоһууга уонна нациялар икки ардыларынааҕы сөбүлэҥҥэ кылаатын иһин;
— төрүт тыллары харыстааһыҥҥа уонна сайыннарыыга кылаатын иһин;
— Арассыыйа норуоттарын култууралырын харыстааһыҥҥа уонна сайыннарыыга кылаатын иһин;
— национальнай судаарыстыбаннай бэлиитикэни информациянан арыаллааһыҥҥа кылаатын иһин;
— национальнай сыһыаннаһыы эйгэтигэр бастыҥ быраактыкаларын иһин;
— национальнай-култуурунай холбоһуктарга көдьүүстээх лиидэрдээһинин иһин;
— Өй көлүөнэтэ.
Сиһилии: https://гордость-нации.рф/.
Сообщить об опечатке
Текст, который будет отправлен нашим редакторам: