Салгыы
Горловскай куукула тыйаатыра Саха сиригэр гостуруоллуур

Горловскай куукула тыйаатыра Саха сиригэр гостуруоллуур

14.06.2024, 13:00
Хаартыска: Үүнэр көлүөнэ тыйаатыра
Бөлөххө киир:

Донецкай Норуодунай Өрөспүүбүлүкэтээҕи   Горловскай куукула тыйаатыра РФ Култуураҕа министиэристибэтин Бүтүн Арассыыйатааҕы гостуруол-кэнсиэр былаанынан, бэс ыйын 13-21 күннэригэр Дьокуускай, Алдан, Нерюнгри куораттарга, Екатеринославка с., Белогорскайга, Благовещенскайга гостуруоллуоҕа.

Артыыстар Дьокуускайга уонна Алдаҥҥа Үүнэр көлүөнэ тыйаатырдарын сыаналарыгар, Нерюнгрига А.С.Пушкин аатынан Култуура уонна духуобунас киинигэр оонньуохтара.
Манна сыһыаран эттэххэ, Бүтүн Арассыыйатааҕы гостуруол-кэнсиэр көмөтүнэн, бэл, олох ыраах сытар дойдулар олохтоохторо киин сир тыйаатырдарын туруорууларын уонна сөбүлүүр кэлэктииптэрин кэнсиэрин көрөр кыахтаналлар.
2001 сыллаахха тэриллибит Горловскайдааҕы куукула тыйаатыра Бүтүн Арассыыйатааҕы гостуруол былааныгар 2023 сыллаахха киллэриллибитэ. Кинилэр быйылгы гостуруолларын кэмигэр Александр Кузьмин суруйбут уонна туруорбут «Волчонок-плутишка» испэктээги көрдөрүөхтэрэ. 40 мүнүүтэ устата барар испэктээккэ артыыстар Ольга Филатова, Ирина Роговик, Артём Головня оонньууллар.
Бу испэктээги бэс ыйын 13 күнүгэр Үүнэр көлүөнэ судаарыстыбаннай тыйаатырын сыанатыгар көрдөрдүлэр.
Испэктээк иннинэ буолбут пресс-кэмпириэнсийэҕэ Горловскай куукула тыйаатырын дириэктэрэ Артем Тон иһитиннэрбитинэн, испэктээккэ туохха барытыгар итэҕэйэр эһэчээни албынаабыт киитэрэй бөрө кэлин куобах көмөтүнэн көнө суолга турбутун туһунан кэпсэнэр.

+1
0
+1
1
+1
0
+1
0
+1
0
+1
0
+1
0
Бары сонуннар
Салгыы
16 июля
  • 22°C
  • Ощущается: 22°Влажность: 68% Скорость ветра: 3 м/с

Сообщить об опечатке

Текст, который будет отправлен нашим редакторам: