Хаартыскаҕа А.Санникова түһэриитэ
Горнай улууһугар Челябинскай уобалас гражданскай көҕүлээһини өйүүр киинин салайааччыта Михаил Комиссаров салалтынан уопсастыбаннай тэрилтэлэр салайааччылара, актыбыыстара ыалдьыттаатылар.
Дэлэгээссийэ сүрүн сыала – кэммиэрчэскэйэ суох тэрилтэлэр, түөлбэлэр үлэлэрин билсиһии, граннары суруйууга үөрүйэҕи атастаһыы, хардарыта сибээстээх үлэлээһин, бырайыактары оҥорууга үлэлэһии, билсиһии. Михаил Комиссаров Горнай улууһугар бу иккис сырыыта буолар.
Улуус социальнай бырайыактааһыҥҥа, гражданскай уопсастыба сайдыытыгар өрөспүүбүлүкэҕэ биир бастыҥ үлэлээх. Өрөспүүбүлүкэ биир кэлим кэммиэрчэскэйэ суох тэрилтэлэри өйөөһүҥҥэ ресурснай киин салайааччыта Ольга Вешникова улуус экэкэниэмикэ үһүс секторын уонна гражданскай көҕүлээһиннэри сайыннарыы боппуруостарыгар РФ эрэгийиэннэрин стажировкалыыр былаһаакката буолбутун бэлиэтээтэ.
Улуус баһылыга Никита Андреев улуус сайдыытын кэпсээтэ уонна уопсастыбаннай тэрилтэлэри дойдуну сайыннарыыга бииргэ хардарыта үлэлэһиигэ ыҥырда. Улуустааҕы бибилэтиэкэ иһинэн үлэлиир «Ситим» сайдыы эйгэтин үлэтин, уопсастыбаннай тэрилтэлэр бастыҥ бырайыактарын сырдаттылар. Ыалдьыттар улууспут гражданскай көҕүлээһини өйөөһүҥҥэ киэҥ хайысхалаах үлэтин сэргии иһиттилэр, уопуттарын үллэһиннилэр.
«Үрдэл» түөлбэҕэ сылдьан оҕо спортивнай балаһааккытын сэргии көрдүлэр. Түөлбэ актыыба, оҕолор ыалдьыттарга кэскиллээх бырайыактарын кэпсээтилэр. «Күбэйэ» туойунан оҥоһуктар мастарыскыайдарыгар сылдьан туойтан оҥоһуллубут харысхаллары сэргии көрдүлэр. Туойтан оҥоруу ньымаларын кэрэхсээтилэр. Биллиилээх худуоһунньук-модельер Августина Филиппова лабораториятыгар сылдьан моделларын көрөн сөхтүлэр, сөҕүмэр талааныгар махтаннылар. Августина Николаевна саамай сөбүлүүр А.Пушкин “Салтан ыраахтааҥы” остуоруйатынан эскизтэрин көрдөрө-көрдөрө кэпсээбитин сэҥээрэ иһиттилэр. Олох, саха таҥаһын философиятын, оһуордар кистэлэҥнэрин астына-дуоһуйа билистилэр. Августина Филиппова лабораторията остуоруйа дойдутугар сырыы буолан ыалдьыттарга умнуллубат түгэнинэн буолла.
Салгыы бөлөх Мытаах нэһилиэгэр Семен уонна Софрон Даниловтар түмэллэригэр, Афанасий Осипов хартыынатын галереятыгар сырыттылар. Нэһилиэк олоҕор-дьаһаҕар көхтөөхтүк кыттар дьону-сэргэни кытта көрүстүлэр.
Айталина Санникова,
библиотекарь, Горнай.
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…
Амма улууһугар Аҕа дойду Улуу сэриитин уотун ортотунан ааспыт көлүөнэ дьон Сулуһа суох Дьоруойунан билинэр,…
Бэҕэһээ, ыам ыйын 8 күнүгэр, Дьокуускай куоракка аан бастыкытын ыытыллыбыт "Кыайыы вальсыгар" үгүс киһи үөрэ-көтө…
Дьокуускайга "Өлбөт үйэлээх полк" Бүтүн Арассыыйатааҕы үгэскэ кубулуйбут аахсыйа буолан ааста. Быйыл манна 50 тыһыынчаттан…
Ленскэй оройуонугар муус көхтөөхтүк устарын бэлиэтииллэр. Муус хамсааһынын орто диэн сыаналаатылар, уу таһыма рейкэ кээмэйигэр…