Мария Павлова хаартыскаҕа түһэриитэ
Байанай – баай хара тыа иччитэ, ойуур, көтөр-сүүрэр таҥарата. Кинини былыргы сахалар олус үөрүнньэҥ, кэһии биэрэр оҕонньор курдук саныыллара.
Бэрдьигэстээххэ П.Д. Аввакумов аатынан киин модельнай бибилэтиэкэҕэ ааспыт үйэлэргэ олорон, аар тайҕабытын кэрийэн, буһан-хатан, бултаан-алтаан ааспыт булчуттары сырдатар «Горнай чулуу булчуттара» кинигэ биһирэмэ буолла. Кинигэ тахсарыгар бибилэтиэкэрдэри түмэн, иилээн-саҕалаан үлэлээбит Горнайдааҕы кииннэммит библиотечнай ситим сүрүн библиограба Анастасия Заровняева мустубут ыалдьыттарга кинигэ тутулун, ис хоһоонун билиһиннэрдэ. Улуус баһылыгын үпкэ уонна экэниэмикэҕэ солбуйааччыта Сахаайа Филиппова эҕэрдэ тылын эттэ. Кинигэ тахсарыгар үлэлэспит дьоҥҥо махтал суруктар туттарылыннылар.
Үөрүүлээх тэрээһиҥҥэ айылҕа харыстабылын иниспиэксийэтин салайааччыта Родион Сергеев, улуус духуобунай бэпэчиитэлэ, Саха Өрөспүүбүлүкэтин үтүөлээх учуутала Василий Николаев улуус историятыгар сүҥкэн суолталаах кинигэ тахсыбытын бэлиэтээтилэр.
Саха норуота былыр-былыргыттан, өбүгэлэрбит саҕаттан илдьэ кэлбит, көлүөнэттэн-көлүөнэҕэ бэриллэр биир төрүт дьарыктара – булт буоларын өбүгэлэрбит тааска, хайалар тэллэхтэригэр аарыма улахан тайахтарын, ох саалаах булчуттарын, кыылларын-көтөрдөрүн түһэрэн хаалларбыт ойуулара туоһулууллар уонна олоҥхолортон, үһүйээннэртэн, норуот номохторуттан, этнографтар үлэлэриттэн истэн, ааҕан билэбит.
Горнай улууһа сирэ-уота киэҥ, халыҥ систэрдээх, аата-ахсаана биллибэт от үрэхтэрдээх, кыыл-сүөл сөбүлээн үөскүүр табыгастаах усулуобуйалаах дойдунан биллэр. Аар тайҕабыт маанылаах кыыллара тайах, эһэ, бөрө, саарба бултанар сүрүн көрүҥнэринэн буолаллар.
«Горнай чулуу булчуттара» кинигэҕэ айылҕабыт чөл буоларыгар ис сүрэхтэриттэн ыалдьар идэтийбит охотоведтар, булт хаһаайыстыбатын тэрийээччилэр, айылҕа харыстабылын улуустааҕы иниспиэксийэтин үлэтин, олохторун булка анаабыт, тайҕа хаһаайыннара – кадровай булчуттар, ардай аһыылаахтары бултаһар бөрөһүттэр, улуустааҕы «Байанай» күрэхтэһии, төрөөбүт улуустарын айылҕатын чинчийэн үөрэтэр үөрэнээччилэр экологическай лааҕырдарын тустарынан сиһилии сырдатыллар.
Мария Павлова, бибилэтиэкэр
Бэрдьигэстээх, Горнай.
Хаартыскаларга Мария Павлова түһэриилэрэ
Мэҥэ Хаҥалас улууһугар Олохтоох бэйэ оҥорон таһаарыы сылын чэрчитинэн, Майа сэлиэнньэтигэр бүгүн «Төрүччү» сылын түмүктүүр…
Саха сиригэр "Мобильнай хирургическай киин" инновационнай бырайыагы олоххо киллэрии салҕанар. Бырайыак Ил Дархан Айсен Николаев…
Түөкүттэртэн дьону быыһаабыт баан үлэһиттэрин наҕараадалаатылар. Ол курдук Арассыыйа баанын салаатыгар саамай болҕомтолоох, эппиэтинэстээх үлэһиттэр…
Оҕону иитэргэ өбүгэлэрбит саҕаттан кэлбит кэс тыллар бааллар. Ол туһунан хаһан эмэ истибиккит буолаарай? Кыыс…
Бүгүн, олунньу 6 күнүгэр, Офтальмология өрөспүүбүлүкэтээҕи балыыһатын кылаабынай бырааһа Иван Луцкан суруналыыстары кытары үгэскэ кубулуйбут…
Горнай улууһугар Атамай орто оскуолатыгар сыллата "Сомоҕолоһуу - ситиһии төрдө" диэн төрөппүт дэкээдэтэ үрдүк таһымнаахтык…