Саха сирин олохтооҕо «Мечталлион» лотерея 93 тираһын сэттэ дьоллоох кыайыылаахтарын биирдэстэринэн буолла. Бу туһунан «Национальнай лотерея» Бүтүн Арассыыйатааҕы лотерея пресс-сулууспатыгар иһитиннэрдилэр.
Кыайыылаах аатын эппэттэригэр көрдөспүт. Ол эрэн, хайа маастарынан үлэлиирин туһунан кэпсээбит. Кини билиэттэри күн ахсын атыылаһа сылдьыбыт. Оттон сүүйбүтүн туһунан парикмахерскайга олорон билэн, олус үөрбүт уонна аймахтарын соһуппут.
Кини билиэттэри мэлдьи атыылаһар уонна хаһан эмит кыайыам диэн итэҕэйэр эбит. Кыайыылаах сыаналаах бирииһи ылары ситиһэргэ бар дьоҥҥо барыларыгар санааларын түһэрбэккэ мэлдьи кытталларыгар баҕарда. Дьоллоох хайа маастара сүүйбүт харчытын аармыйаттан уола төннөн кэлэн үөрэххэ киирэригэр ороскуоттуурга быһаарыммыт.
«Мечталлион» лотерея 93 тираһыгар сэттэ киһи биирдии мөлүйүөн солкуобайы сүүйбүттэр. Тираж уопсай суумата — 29 518 200 солк. Оттон кыайбыт билиэт ахсаана — 196 850. «Мечталлион» лотерея оонньуу хас өрөбүл ахсын сарсыарда 09:20 ч. бастакы ханаалга ыытыллар. Хас биирдии оонньуу түмүгэн Арассыыйаҕа «миллионер» ахсаана эбиллэн иһэр, ону таһынан хас биирдии киһи 100 мөлүйүөн солкуобай супер-бирииһи ылар кыахтаах.
Лотерея туһунан сиһилии nloto.ru. саайка көрүҥ.
Икки Алдан олохтооҕо тимир суол тэрилтэтиттэн 12 көлүөһэ диискэтин уоран, биэс сылга диэри көҥүллэрэ быһыллыан…
Инфаркт уонна инсульт ыарыылар сибикилэрин сатаан быһаарыы уонна эрдэттэн сэрэтии уодаһыннаах ыарыылартан босхолуон сөп. Тугу…
Новосибирскай уобаласка кулгаахтарынан кэһиллиилээх күрэсчиттэр ортолоругар көҥүл уонна греко-римскэй тустууга Арассыыйа Куубага түмүктэннэ. Саха сирин…
2517 ыал оҕо уһуйааннарыгар оҕону көрүүгэ-истиигэ төрөппүт төлөбүрүттэн босхолоннулар. Бу туһунан брифинг кэмигэр Саха Өрөспүүбүлүкэтин…
Өрөспүүбүлүкэ быйылгы сыллааҕы бүддьүөтүгэр улуус иһинээҕи көтөр аалынан сырыылары субсидиялыырга эбии 24,4 мөл. солкуобай көрүлүннэ.…
Бэнидиэнньиккэ, ахсынньы 8 күнүгэр, Хатас – Павловскай хайысханан Өлүөнэ өрүһү туоруур кыһыҥҥы суолга тырааныспарга көҥүл…