Елена Потоцкая хаартыскаҕа түһэриилэрэ
Бүгүн, олунньу 7 күнүгэр, Горнай улууһун Маҕарас нэһилиэгэр ситэриилээх былаас отчуота буолан ааста.
Бырабыыталыстыба отчуотун 1-кы бөлөҕүн СӨ Уһук Илиннээҕи уокуругун бастайааннай бэрэстэбиитэлистибэтин салайааччыта, СӨ Бэрэссэдээтэлин солбуйааччы Ким Борисов салайан илдьэ сырытта. Олохтоохтор нэһилиэк социальнай эбийиэктэригэр кыһалҕалаах ититии боппуруоһун ордук сытыытык туруорустулар. Ол курдук, биэнсийэлээх Марта Максимова уһуйаан тымныытын бэлиэтээн туран, тэрилтэҕэ хапытаалынай өрөмүөн наадатын эттэ. Кулууп дириэктэрэ Саргылаана Алексеева Култуура дьиэтэ тымныытынан өрөмүөн ыытыллара наадатын, Петр Павлов олохтоох балыыһа хочуолунайа, кыраайы үөрэтэр түмэл дириэктэрэ Дария Поротова мусуой дьиэтэ эмиэ тымныытын бэлиэтээн туран, өрөмүөннэнэрэ уолдьаспытын, биэнсийэлээх Петр Павлов балыыһа хочуолунайа хаарбах туруктааҕын ыйан туран, хапытаалынай өрөмүөнү ыытарга туруорустулар.
Мунньах иннинэ улуус баһылыга Никита Андреев бырабыыталыстыба чилиэннэрин ити үөһэ ахтыллыбыт социальнай эбийиэктэргэ сырытыннарбыт буолан, балаһыанньаны илэ хараҕынан көрбүт-билсибит Ким Борисов чопчу, толору хоруйдары биэрэн, олохтоохтор ылыннылар.
Клара Султашова кыра оҕолордоох кийиитэ тулаайаҕын быһыытынан, дьиэ ыла илигин ыйан туран, бу боппуруоһу быһааралларыгар көрдөстө.
34 сиэннээх Мария Кудаисова сайылыгын тупсарыыга, дьиэ-уот туттууга туох бырагыраама баарын ыйытта. Үгүс дьону өртөөһүн, сири оҥоруу боппуруостара ордук долгуталлар эбит. Маныаха Ил Түмэн дьокутаата Феодосия Габышева, үп миниистирин солбуйааччы Надежда Филиппова, тутуу миниистирин солбуйааччы Галина Новикова, улуус баһылыга Никита Андреев, оробуочай дэлэгээссийэни салайар Ким Борисов толору уонна чопчу хоруйдары биэрэн, Одуну олохтоохторун санааларын таптылар
Бырабыыталыстыба 2022 сылга ыыппыт үлэтин мунньахха көхтөөх кыттыыны ылбыт Маҕарас нэһилиэгин олохтоохторо биһирииллэрин биллэрдилэр.
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Ангелина Васильева-Дайыына "Хаарчаана бэлэҕэ"…
Бастыҥ волонтерскай көҕүлээһиннэр уонна устудьуоннар түмсүүлэрэ "Уһук Илин сулуһа" бириэмийэнэн бэлиэтэннилэр. РФ Бырабыыталыстыбатыгар сыл ахсын…
Бэрдьигэстээххэ кырдьаҕастар уонна инбэлииттэр олорор социальнай дьиэлэригэр сэргэх тэрээһин буолла. Саҥа дьылы көрсө манна социальнай…
Бу күннэргэ Дьокуускайга Арчы дьиэтигэр сырдык санааны саҕар ис хоһоонноох дьоро тэрээһин буолан ааста. Бу…
Бүгүн сарсыарда 112 нүөмэргэ 8 чаас чугаһыгар муус анныгар массыына түспүтүн туһунан иһитиннэрии киирбит. ЯСИА…
Ааһан эрэр сыл ахсынньы 18 күнүгэр "Ника" банкеттыыр саалаҕа "Ситим" өрөспүүбүлүкэ көҥүл суруйааччыларын сойууһун уопсастыбаннай…