Хаартыска: Елена Потоцкая.
Бүгүн, бэс ыйын 3 күнүгэр, Горнай улууһун Одуну нэһилиэгэр олохтоох уопсастыбаннай түмсүүлэр «ODUNUFEST» бэстибээллэрэ саҕаланна. Тэрээһиҥэ өрөспүүбүлүкэ улуустарын нэһилиэктэриттэн баһылыктар, араас түмсүүлэр салайааччылара кыттыыны ылаллар. Санкт-Петербург куорат Уопсастыбаннай түмсүүлэрин кииниттэн Максим Никитинскэй кыттыыны ылар буолан, бэстибээл Арассыыйатааҕы таһымнанна.
Тэрээһин суолтатын туһунан Горнай улууһун баһылыга Никита Андреев бэйэтин эҕэрдэ тылыгар бэлиэтээтэ:
СӨ Ыччат дьыалаларыгар уонна социальнай коммуникацияларга миниистирэ Петр Шамаев өрөспүүбүлүкэҕэ сыл аайы тэриллэр Ыччат ыһыаҕын биир сиргэ ыытыллара былааннанарын билиһиннэрдэ уонна үс сири — Дьокуускайы, Табаҕа тумулун, Горнай улууһун тала, үөрэтэ сылдьалларын туһунан эттэ. Онон кэнэҕэс ыччаты түмэн, уопсастыбанньыктары сомоҕолоон иккис сылын олохтоох түмсүүлэр бэстибээллэрин ыытар Одуну нэһилиэгэ Ыччат түмсүүлэрин түмэр ыһыаҕы ыытар сиринэн буолуон да курдук. Ол онуоха олугунан бүгүҥҥү пуорум түмүгэ буолара чахчы.
Нэһилиэк баһылыга Владимир Текеянов биир дойдулаахтарын түмсүүлээх буолалларыгар ыҥырда.
«Одуну Фест» бэстибээлгэ биир күн устата олорор сирдэрин тупсарыан, сайыннарыан баҕалаах көхтөөх дьон көрсүөхтэрэ, санааларын үллэстиэхтэрэ, уопуттарын атастаһыахтара. Тэрээһиҥҥэ аһаҕас кэпсэтиилэр, ырытыылар, федеральнай эспиэрдэр лиэксийэлэрэ, маастар-кылаастар, быыстапка-дьаарбаҥкалар ыытыллыахтара.
Ону таһынан, Маҕарас нэһилиэгэр Сынньалаҥ пааркатыгар бэстибээл иитинэн, саха «сулустарын» кыттыылаах опен-эйр буолуоҕа.
Бу күннэргэ күн-дьыл туруга хайдаҕый? Тыалырар дуо? Төһө тымныы буоларый? Арктика кытылынан сорох сирдэринэн кыра…
Саҥа дьыл саҕана үгүс хаһаайкалары бырааһынньык остуола долгутар. Саҥа дьыллааҕы салааттар, ас-үөл барыта сыалаах-арыылаах. Бырааһынньык…
Амма улууһун Соморсун нэһилиэгэр кыстык этэҥҥэ ааһа турар. Хаһаайыстыбаларга 468, пиэрмэрдэргэ 359 сылгы эбии аһылыкка…
Бүгүн, ахсынньы 22 күнүгэр, 13:45 чааска Булуҥ улууһун Бороҕон нэһилиэгин баһылыгын солбуйааччы Биир кэлим диспетчер-дьуһуурунай…
Дьокуускай куоракка тымныы күннэр сатыылаан турар кэмнэригэр сылаас тохтобуллар олус суолталаах буоллулар. Ол курдук, маннык…
Булуҥ улууһугар сүппүт үһүс киһини буллулар диэн Булуҥнааҕы ЕДДС иһитиннэрэр диэн СӨ Быыһыыр сулууспата суруйар.…