Горнай Одунутугар уопсастыбынньыктар түмсэн үлэлээтилэр

Соторутааҕыта  Горнай улууһун Одуну нэһилиэгэр олохтоох уопсастыбаннай түмсүүлэр «ODUNUFEST» бэстибээллэрэ буолан ааста.

Тэрээһиҥҥэ ыалдьыт быһыытынан Хаҥалас улууһуттан Булгунньахтаах уонна Төхтүр нэһилиэктэриттэн баһылыктар, араас түмсүүлэр салайааччылара кыттыыны ыллылар.

Тэрээһин суолтатын туһунан Горнай улууһун баһылыга Никита Андреев санаатын маннык тиэртэ:

Бэстибээл кэнниттэн бу тэрээһиҥҥэ этиллибит суолталаах этиилэри улуус салалтата, Одуну нэһилиэгин уопсастыбаннаһа үөрэтэн көрөн баран, салгыы ыытыллар үлэ хайысхатын торумнуохтара. Бу туһунан улуус баһылыга Никита Андреев анаан бэлиэтээтэ:

Тэрээһини «Кэлэр кэм индустрията» АНО дириэктэрэ Иван Степанов тэрийэн ыытта. Кэпсэтии олус иһирэхтик, доҕордуу быһыыга баран, элбэх киһи санаатын хото этиннэ.

Иван Степанов Хаҥалас Тиит Эбэтигэр, Чурапчы Дириҥэр, аны бу Горнай Маҕараһыгар тыа сирин кэлим сайдыытыгар уопсастыбаннай хамсааһыннар, түмсүүлэр өйөбүллэрин күүһүрдэр соруктаах үлэлиир. Бу туһунан тэрийээччи санаатын маннык үллэһиннэ:

Санкт-Петербург куорат Уопсастыбаннай түмсүүлэрин кииниттэн Максим Никитинскэй кыттыыны ылбыт буолан, бэстибээл Арассыыйатааҕы таһымнанна.

Кини  тэрээһини сонун тыыннаата. Ыалдьыппыт санаата маннык буолла:

Нэһилиэк баһылыга Владимир Текеянов быйыл иккис сылын маннык улахан тэрээһини ыытар. Онон уопуттаах киһи быһыытынан бэстибээл туһунан санаата маннык буолла:

Бэстибээл кэмигэр спортка, үҥкүүгэ араас күрэстэр буоллулар.

ХИФУ устудуьоннара кэлэн, көхтөөхтүк кыттан, Одуну олохтоохторун уонна ыалдьыттары бэркэ сэргэхсэттилэр.

Ити курдук, ааспыт нэдиэлэҕэ Горнай улууһун Одунутугар бэрт кэрэхсэбиллээх тэрээһин буолан ааста.