Горнай оройуона инвестицияны тардыыга бастыҥынан ааттанна

Бүгүн СӨ Ил Дарханын иһинэн Олохтоох салайыныы сэбиэтин мунньаҕар инвестиция килиимэтин туругунан муниципалитеттар ортолоругар бастыҥы ааттаатылар.

Горнай улууһа ааспыт икки сыл курдук эмиэ бастаата. Иккискэ — Ленскэй, үһүскэ — Нерюнгри. Кинилэргэ 1 мөл. солкуобай кээмэйдээх олохтоох бүддьүөтү өйүүргэ эбии дотациялар көрүллүөхтэрэ.
«Инвестиция рейтинэ — экэниэмикэ сайдыытыгар тус сыһыаҥҥыт туоһута. Ыйытыктар түмүктэринэн норуот үтүө өттүгэр уларыйыылары, урбаанньыттар биисинэскэ өйөбүл баарын бэлиэтииллэр. Бастыҥ быраактыка ханнык баҕарар оройуоҥҥа, Арктикаҕа, тыа хаһаайыстыбатыгар, бырамыысыланнаска тахсыан сөп», — диэтэ Айсен Николаев баһылыктарга.
Муниципальнай рейтинг 30 көрдөрүүттэн турар, итинтэн 15-һэ ыйытыгынан.
Горнай оройуона ыйытыгынан үрдүк сыанабылы ылла, дьоҕус уонна орто урбааны, үөрэтэр өҥөлөрү, сибээс өҥөтүн, арыандаланар былаһааккаҕа тиксиини, кирэдьиит кыаҕын киллэрэн туран.
«Ил Дархан биһиги оройуоммут үчүгэй уопутун бэлиэтээтэ.Түгэнинэн туһанан урбаанньыттарга үлэбитин үрдүктүк сыаналаабыттарын иһин махтанабыт«, — диэтэ Горнай улууһун баһылыга Никита Андреев.
Кэккэ хайысхаларга Хаҥалас, Өлөөн оройуоннара уонна Дьокуускай куорат ааттаннылар.

Айсен Николаев көҕүлээһининэн 2003 сылтан 1 мөл. солкуобай кээмэйдээх олохтоох бүддьүөтү өйүүргэ эбии дотациялары көрүү олохтоммута.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата