Горнай Орто Суртугар муус ылыытыгар субуотунньук тэрийдилэр

Тыа олохтоохторугар муус ылыыта — кыстыкка киириигэ биир тыын суолталаах үлэ.

Ол сиэринэн, Горнай улууһун Орто Сурт нэһилиэгэр сыл аайы муус ылыытын бүтүн нэһилиэгинэн анал аахсыйа курдук тэрийэллэр.

Бу туһунан нэһилиэк олохтооҕо, бибилэтиэкэр Марфа Текеянова маннык кэпсээтэ:

— Үгэс быһыытынан биир сүбэнэн тэрилтэлэринэн үллэстэн, соҕотох олорор кырдьаҕас, аҕам саастаах дьоҥҥо, байыаннай дьайыыга сылдьар уолаттарбыт төрөппүттэригэр субуотунньук аахсыйатын тэрийэн, муус ылан, тиэйэн киллэрэбит. Нэһилиэкпит эр дьоно Эбэҕэ тахсан, муус ылыытыгар  күргүөмүнэн  түһүннүлэр. Бу күн 13 ыалы мууһунан хаачыйдыбыт.  Тырахтарыыс уолаттарбыт Петр Степанов уонна Альберт Степанов мууспутун тутатына тиэйэн киллэрэн, дьон үөрүүтэ, махтала муҥура суох. Маны сэргэ,  оскуола уонна уһуйаан кэлэктиибин эр дьоно уонна 6-11 кылааска үөрэнэр уолаттар оскуола, уһуйаан ону сэргэ оскуола тэрилтэтин үлэһиттэригэр уонна  ытык кырдьаҕастарбытыгар   15 бырысыап муус ылан, тырахтарыыс Афанасий Осипов тута ол күн тустаах ыалларынан тарҕатта. Бу күннэргэ  сынньалацҥ киинин үлэһиттэрэ үс ыалга муус ылан киллэрбиттэрэ. Нэһилиэкпит үлэни өрө туппут дьонугар, ыччаттарбытыгар, тырахтарыыс уолаттарбытыгар, оскуола, уһуйаан уонна кулууп кэлэктиибигэр барҕа махталбытын тиэрдэбит.  Бары чэгиэн-доруобай, уйгулаах олохтонуҥ. ‘ Бу курдук, нэһилиэк дьоно түмсүүлээх буолан, ‘Ойуурдаах куобах охтубат, дьонноох киһи тутайбат» диэн саха өс хоһоонун толору бигэргэттилэр.