Горнай Орто Суртугар саҥа «санитарка» массыына айаннаата

Кэлиҥҥи сылларга өрөспүүбүлүкэҕэ доруобуйа харыстабылын маҥнайгы сүһүөҕүн саҥатытыы (модернизация) күүскэ ыытыллар.

Ол курдук, хас улуус, нэһилиэк аайы бу тосхолунан саҥа тиэхиньикэлэр баар буоллулар. Ил Дархан Айсен Николаев улуустар балыыһаларыгар эбии массыына күлүүстэрин туттарда.

Бу үөрүүлээх тэрээһиҥҥэ Горнай улууһун кылаабынай бырааһа Егор Григорьев Орто-Сурт амбулаториятыгар анаммыт УАЗ-санитарка массыына күлүүһүн тутта. Улуус киин балыыһата быйылгы сылга бу иккис массыыната.