Горнайга астыыр-үөллүүр салаа сайдыытын дьүүллэстилэр

Тыа хаhаайыстыбатын миниистирин бастакы солбуйааччы Анна Стручкова атырдьах ыйын 5 күнүгэр Горнай улууhугар үлэлээтэ.

Былааннаммытынан Одуну, Бэрдьигэстээх, Солоҕон, Мытаах нэhилиэктэригэр арыы сыахтарыгар сылдьан үлэни көрдө,  салгыы Мытаахха Эбэ учасастагар сүөhү сылгы иитиитинэн дьаныардаахтык үлэлиир Чемезовтар дьиэ кэргэттэрин көрсөн оттооhун хаамыытын билистэ, үлэлэрин-хамнастарын, күннээҕи түбүктэрин кытта билистэ.

Миниистири бастакы солбуйааччы Анна Стручкова Горнайга астыыр-үөллүүр салаа сайдарыгар, үрдүк хаачыстыбалаах бородууксуйа оҥоһулларыгар сыалы-соругу  туруорда, сайдыы саҥа тосхолун  торумнаста.