Ааптар хаартыскаҕа түһэриитэ
Горнай улууһугар СӨ бырабыыталыстыбатын отчуота олунньу 3-4 күннэригэр ыытылынна.
Бэрдьигэстээххэ түмүктүүр мунньахха улуус баһылыга Никита Андреев:
— СӨ ситэриилээх былааһын отчуота нэһилиэктэргэ барыларыгар ыытылынна. Бырабыыталыстыба бөлөҕүн бэрэссэдээтэли сообуйааччы Ольга Балабкина салайар. Бүгүн улууспутугар устуоруйаҕа киирэр түгэн, Арассыыйа Дьоруойа, ыччат миниистирин э.т. Игорь Юргин кыттар, — диэн туран, дэлэгээссийэ чилиэннэрин билиһиннэрдэ.
Ольга Балабкина өрөспүүбүлүкэҕэ ыытыллыбыт 2024 сыллаах үлэ туһунан кэпсээтэ. Кини бу бары улуустары хабар тэрээһин үлэни сырдатыы эрэ буолбакка, нэһилиэнньэттэн этиилэри хомуйуу, инники үлэни торумнааһын буоларын санатта. Кини былырыын эмиэ Горнай улууһугар отчуокка сылдьыбыт.
Горнай улууһа Саха сиригэр үлэ-хамнас, сайдыы хаамыытынан инники күөҥҥэ сылдьар улуус диэтэххэ, сыыһа буолбат. Федеральнай, өрөспүүбүлүкэтээҕи куонкурустарга, граннарга тиһиктээхтик кыттан, үлэни былааннаахтык толорон, элбэх тутуу ыытыллар, социальнай эбийиэк тутуллар, суол-иис оҥоһуллар.
Былырыын демографияҕа атын улуустары кыайан, Ил Дархан гранын — 10 мөлүйүөн солкуобайы ылбыттара. »Муус устар» ыччат бэстибээлигэр горнайдар бастаабыттара. »Көхтөөх уһун үйэлэнии» бырагырааматынан 870 тыһыынча солкуобайдаах грант ылбыттара. Өрөспүүбүлүкэҕэ аан бастакынан аҕам саастаах дьоҥҥо »Мы из СССР» сайыҥҥы лааҕыр үлэлээтэ. Улуустарыгар төрдүс оҕоҕо ньирэй бэлэхтииллэр.
Саха сиригэр бастакынан пилота суох көтөр ааллары ыытарга үөрэтэр кыһа арыллыаҕа. Эспэримиэн быһыытынан, мөлтөх суоллаах, ыраах Кэптиҥҥэ дронунан эмп-томп ыыппыттара. Аһымаҕа кыһыннары-сайыннары үлэлиир, байыаннай-патриотическай өрөспүүбүлүкэтээҕи лааҕыр үлэлиэҕэ. Бу курдук элбэх үлэ-хамнас ыытыллар.
Бэрдьигэстээх олохтоохторо дакылаат кэнниттэн, бэйэлэрин этиилэрин, туруорсууларын этиэхтэрэ. Семен, Софрон Даниловтар ааттарынан Култуура киинин улахан саалатыгар толору киһи мустубут. Мунньах иннинэ министиэристибэлэр, биэдэмистибэлэр үлэһиттэриттэн олохтоохтор сүбэ-ама ыллылар.
Ангелина Васильева.
Ааптар түһэриитэ.
Балаҕан ыйын 1 күнүттэн дойду үрдүнэн куйаар ситимигэр угуйук туһунан сокуон үлэтин саҕалаата. Саҥа сокуон…
Бөлүүн түүн Хабаровскай кыраай хамаандата Саха сиригэр «ВОИН суола» байыаннай-тактическай күрэхтэһиилэригэр кытта көтөн кэллэ. «Амур…
Бүгүн социальнай ситиминэн аарыма улахан тайах суолу туоруур видеота тарҕаттылар. Тайах Төҥүлүлүүр суолу туораабытын иһитиннэрдилэр.
Дьокуускай куорат биир ураты историческай суолталаах тутуутунан 116 миэтэрэ дириҥнээх Шергин шахтата буолар. Шахта куорат киинигэр…
Саха сиригэр муниципальнай быыбардар бара тураллар. Бүгүн 12:00 чаастааҕы дааннайынан быыбарга куоластааччы 19,63 бырыһыана кытынна.…
Дьокуускай куоракка томороон тымныыларга сылаас тохтобуллар абырыыллар. Киин куорат мэрэ Евгений Григорьев 2021 сыллаахха мэринэн…