Горнай улууһугар демографияҕа тиһиктээх үлэ ыытыллар

Горнай улууһугар «100 сыл оҕолоро» хапытаалы 187 ыал ылан туһанна. Манна өрөспүүбүлүкэ бүддьүөтүттэн 9,8 мөлүйүөн солкуобай көрүллүбүт.

Бастакы оҕо төрөөбүтүгэр биирдэ бэриллэр төлөбүрү 42 ыал ылбыт, манна 1,9 мөлүйүөн солкуобай төлөммүт. Үһүс уонна онтон кэлэр оҕолорго төлөбүрү 97 ыал ылбыт.

Иккис оҕоҕо бэриллэр Эрэгийиэннээҕи ийэ хапытаалын 25 ыал (4,8 мөл.солк.), Өрөспүүбүлүкэтээҕи ийэ хапытаалын 56 ыал (12,8 мөл.солк.) ылбыт.

Элбэх оҕолоохторго бэриллэр сир учаастагын оннугар харчынан толуйууну (200 тыһ.солк.) 14 ыал ылан туһаммыт.

Горнай улууһа 2024 сыл түмүгүнэн, демография, дьиэ кэргэн бэлиитикэтигэр бастыҥынан ааттанан, 10 мөлүйүөннээх Ил Дархан гранын ылбыта.

2025 сылга «100 сыл оҕолоро» хапытаал уонна Өрөспүүбүлүкэтээҕи ийэ хапытаалын суумалара үрдээн, төрдүс уонна онтон кэлэр оҕо төрөөтөҕүнэ, 433 тыһыынча солкуобайы ылаллар. Горнай улууһугар муниципальнай бырагырааманан төрдүс оҕо төрөөтөҕүнэ, ньирэй биэрэллэр.