Горнай улууһугар дьиэ кэргэн экологическай түһүмэхтээх квест-оонньуута ыытылынна

Бу күннэргэ Горнай улууһун гимназиятыгар «Лабиринт знаний» диэн дьиэ кэргэн квест-оонньуута буолан ааста. Бу туһунан СӨ Экологияҕа министиэристибэтэ иһитиннэрэр.

5-7 кылаастар аҕыс хамаандалара 8 түһүмэҕи аастылар. Экология хайысхатынан икки түһүмэх кураторынан ураты харыстанар сирдэр уонна айылҕа заповедниктарын судаарыстыбаннай иниспиэктэрэ Сардаана Кривошапкина буолла. Кини өссө бастакы көмө түһүмэҕэр гигиена үөрэҕин инструкторынан үлэлээтэ. Киниэхэ 9-с уонна 11-с кылаас анал бөлөхтөрүн үөрэнээччилэрэ көмөлөстүлэр.

Квест-оонньуу түмүгүнэн Дьяконовтар дьиэ кэргэттэрэ – 5-с «Б» кылаас үөрэнээччитэ Арчылаан ийэтинээн Людмила Прокопьевнаны кытта кыайдылар.

Иккис миэстэни үс дьиэ кэргэн: Олесовтар дьиэ кэргэттэрэ – 5-с кылаас үөрэнээччитэ Николина ийэтинээн Альбертина Николаевнаны уонна аҕатынаан Николай Николаевичтыын, Протопоповтар дьиэ кэргэттэрэ – 6-с кылаас үөрэнээччитэ Айсан аҕатынаан Айтал Владимировичтыын уонна Жирковтар дьиэ кэргэттэрэ – 6-с кылаас үөрэнээччитэ Михаил ийэтинээн Елена Васильевналыын үллэһиннилэр.

Бочуоттаах үһүс миэстэни Петровтар дьиэ кэргэттэрэ – гимназия үөрэнээччитэ Эрхан аҕатын Мичил Гаврильевиһы кытта ыллылар.

Дьиэ кэргэттэри экологическай үөрэхтээһиҥҥэ кытыннарар квест-оонньуу ситиһиилээхтик ааста. Оҕолор уонна кинилэр төрөппүттэрэ олус үөрдүлэр, үчүгэй өйдөбүлү иҥэриннилэр. Көхтөөх кыттааччыларга барыларыгар – төрөппүттэргэ, гимназия үөрэнээччилэригэр, анал кылаастар үөрэнээччилэригэр уонна Иван Герасимович салайааччылаах BUGMedia резиденнэригэр махтал тыллара этилиннилэр.