Горнай улууһугар — Кыайыы Знамята

«Кыайыы ытык Знамята  өрөспүүбүлүкэ оройуоннарынан айаннаан,  элбэх омуктаах норуот Аҕа дойду Улуу сэриитигэр хорсун быһыытын санатар. Бүгүн Хаҥалас улууһа эстэпиэтэни үөрүүлээх быһыыга-майгыга Горнай улууһугар туттаран, горнайдар 14-с оройуонунан буоллулар. Үс күн устата Кыайыы Знамята бары нэһилиэнньэлээх пуннарга тиийиэҕэ. Биһиги бары өйдүү-саныы сылдьабыт, бары киэн туттабыт!» –  диэн бэлиэтээтэ Айсен Николаев.

Кыайыы бэлиэтин — Знамяны туттарыы Горнай улууһун Маҕараһыгар буолла.  Горнай улууһун баһылыга  Никита Андреев  Знамяны Хаҥалас улууһун баһылыгын солбуйааччы  Юрий Никифоровтан тутта.

Сарсын улуус киинигэр Бэрдьигэстээххэ сүрүн тэрээһин буолуохтааҕын уонна т уһааннаах эстэпиэтэ ыччаты патриотическай иитиигэ улахан суолталааҕын улуус баһылыга  Никита Андреев этэр.

Олунньу 13 күнүгэр  Горнай улууһа эстэпиэтэни Бүлүү улууһугар туттарыаҕа.