Виктория Сергеева хаартыската, СИА
Горнай улууһун Бэрдьигэстээх сэлиэнньэтигэр саахалланар туруктаах дьиэлэртэн көһөөччүлэргэ олорор дьиэлэри туталлар.
Саха сирин Бырабыыталыстыбатын Бэрэссэдээтэлин бастакы солбуйааччы Кирилл Бычков Горнай оройуонугар оробуочай айанын кэмигэр өрөспүүбүлүкэ баһылыгын Айсен Николаев МСО түөлбэтин уонна Бэрдьигэстээххэ оскуоланы тутуу болдьоҕун тутуһууга сорудаҕын бэрэбиэркэлээтэ.
Санатан эттэххэ, дьиэлэри уонна оскуоланы тутууну сэргэ, саҥа олорор комплекстары толору тупсаҕай оҥоруохха наада.
Горнай баһылыга Никита Андреев Бэрдьигэстээх 535 олохтооҕо бу сыл бастакы кыбартаалыгар саҥа дьиэлэргэ көһүөхтэрэ диэтэ. Кини этэринэн, бэлэм буолуу уопсай кээмэйэ 98 %. Дьиэлэргэ ис бараанын оҥороллор.
Бары дьиэлэргэ толору отделката оҥоһулунна, форточкалаах стеклопакет түннүктэр, тимир ааннар туруорулуннулар. Балконнаах буолуохтара.
Саҥа дьиэлэргэ Бэрдьигэстээх 36 саахалланар туруктаах дьиэтин олохтоохторо көһөн кииртэхтэрэ. Парфенов уулуссатыгар олорор сирэ-уота 5 тыһ. кв.м. тахса. Манна оҕо уонна успуорт былаһааккалара баар буолуохтара.
Дьиэлэри кытта тэҥҥэ баһаары утары резервуардаах саҥа насоснай ыстаансыйа уонна туһаныллар, ыраас уулаах резервуардаах ыстаансыйа киириэхтэрэ.
» Быйыл саахалланар дьиэттэн көһөрүү бырагырааматынан Горнай оройуонугар 11,5 тыһ.кв.м олорор дьиэ киириэҕэ, саахалланар дьиэлэртэн тыһыынча кэриҥэ киһи көһүөҕэ. Бэрдьигэстээххэ саҥа олорор түөлбэни сэргэ, үлэҕэ 42 кыбартыыралаах дьиэ Бэрдьигэстээххэ, 18 кыбартыыралаах дьиэ Күөрэлээххэ уонна 12 кыбартыыралаах дьиэ Дьиикимдэҕэ киириэҕэ«, — диэтэ Горнай баһылыга Никита Андреев.
Бэрдьигэстээххэ быйыл 550 миюстэлээх үс этээстээх оскуола үлэҕэ киириэҕэ. Муниципалитет уонна чааһынай кыттыгас тутуллар оскуола икки успуорт саалалаах, стадионнаах. Оҕолор биир симиэнэҕэ үөрэниэхтэрэ. Эбийиэк үрдүк бэлэмнээх. «Якутскэнерго» ПАУо Киин ситимнэрин энергетиктара уот ситимигэр холбообуттара.
2023 сылга Саха сиригэр социальнай суолталаах 73 эбийиэк киириэҕэ. Эрэгийиэҥҥэ 4235 миэстэлээх 20 оскуола, 5 уһуйаан, биир эбии үөрэх тэрилтэтэ, физкултуура 8 эбийиэгэ, култуура — 14, доруобуйа харыстабылын 25 эбийиэктэрэ тутуллуоҕа.
СӨ Ил Дарханын уонна Бырабыыталыстыбатын пресс-сулууспата
Виктория Сергеева хаартыската, СИА
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…