Горнай улууһугар уопсастыбаннай тэрилтэлэри өйүүр үп көрүлүннэ

Горнай улууһун салалтата уопсастыбаннай тэрилтэлэри уонна түмсүүлэри күүстээхтик өйүүрүнэн биллэр.  

Бүгүн, атырдьах ыйын 22 күнүгэр, улуус түөрт нэһилиэгэр уопсастыбаннай үлэни сайыннарыыга, көдьүүстээх үлэни тэрийиигэ  кэмиэрчэскэйэ суох тэрилтэлэри (НКО-лары) өйүүргэ туһуланан, улуус бүддьүөтүттэн  2  мөл. 135 тыһ. солк. үп көрүллэрин туһунан  Горнай улууһун баһылыга Никита Андреев  анал дьаһала таҕыста.

Хаартыска — Роман Дмитриев тиксэриитэ.

Бу дьаһалга олоҕуран, күрэс түмүгүнэн бастаабыт Бэрдьигэстээх нэһилиэгэр түөлбэлэри (ТОС-тары) сайыннарыыга 700 тыһ. солк. көрүлүннэ. Атамайга — 600 тыһ.  солк., Маҥаныга — 500 тыһ.  солк., Кировскайга — 335 тыһ.  солк. бэриллиэҕэ.

Бу туһунан «Маатта сонуннара» телеграм-ханаалга Роман Дмитриев иһитиннэрдэ.