Горнай улууһугар уу таһыма сыыйа намтаан эрэр

Бүгүҥҥү туругунан Горнай улууһун Бэс Күөл, Өрт, Маҕарас, Бэрдьигэстээх сэлиэнньэлэригэр уу таһыма сыыйа түһэн эрэр диэн улуус дьаһалтатын пресс-сулууспата иһитиннэрдэ. Ол гынан баран балаһыанньа тыҥааһыннаах. 

Бэс Күөл сэлиэнньэтигэр 4 дьиэҕэ уонна Бэрдьигэстээххэ 1 дьиэҕэ гааһынан хааччыллыы тохтотуллан турар. Көһөрүллүбүт  гражданнар билигин даҕаны аймахтарыгар олороллор.

Халаан уута ылыан сөптөөх сирдэригэр суукканы эргиччи дьуһуурустуба олохтонор.