Хаартыска sakha.gov.ru ылылынна
Ыксаллаах быһыы-майгы хамыыһыйатын мунньаҕын быһаарыытынан Горнай улууһугар ыксаллаах быһыы-майгы эрэсиимэ биллэрилиннэ.
Бу туһунан «Горнай улууһа» МТ баһылыга Никита Андреев иһитиннэрдэ. Өрт, Бэс Күөлэ, Маҕарас нэһилиэктэригэр олорор дьиэлэр, социальнай эбийиэктэр, биир хочуолунай уонна тиэргэн тутуулара ууга бардылар. Ол курдук, Өрт нэһилиэгэр 6 элбэх кыбартыыралаах дьиэ ууга барбытыттан 48 ыалы көһөрдүлэр. Маҕараска 3 дьиэ ууга барда. Онтон 8 киһи көстө. Бэс Күөлүгэр 3 дьиэ ууга барбытыттан 8 киһини куттала суох сиргэ көһөрдүлэр. Сүөһүнү кураанах сиргэ үүрдүлэр.
Никита Андреев иһитиннэрбитинэн, бүгүн күнүс 12 чаас саҕана Бэс Күөлүн учаастагынан ааһар өрөспүүбүлүкэтээҕи Кэбээйи улууһун кытта ситимниир айан суола икки өттүттэн быһынна. Аны «Орто-Сурт-Кэптин» айан суолун уу ылан эрэр. «Бу чааска ууттан эмсэҕэлээбит дьону испииһэктээһин, тахсыбыт хоромньуну ааҕыы бара турар. СӨ Үлэ уонна социальнай сайдыы министиэристибэтин социальнай харысхал управлениетын кытта эмсэҕэлээбит дьоҥҥо өйөбүл оҥоруохпут», — диэн бэлиэтээтэ улуус баһылыга. Улуус салайааччыта, маны таһынан, улуус киинигэр Бэрдьигэстээххэ уу таһыма үрдүүр куттала баарын эттэ.
Бу туһунан СӨ Ил Дарханын уонна Бырабыыталыстыбатын пресс-сулууспата иһитиннэрдэ.
Үөһээ Бүлүү улууһугар хас да хонуктааҕыта сүппүт аҕам саастаах булчут өлүгүн буллулар. Бу туһунан быһылаан…
Амма улууһа уонна Баһылай Харысхал аатынан пуонда норуодунай суруйааччы төрөөбүтэ 75 сылынан Баһылай Харысхал аатынан…
Чугастааҕы нэдиэлэлэргэ Арассыыйаҕа кириибинэн ыалдьыы күүскэ элбиирэ күүтүллэр, оттон эпидемия муҥутуур чыпчаала кыһын ортотугар буолуоҕа.…
Аҕа дойду Улуу сэриитигэр Кыайыы 80 сылыгар «Кыайыы Харыйатын уруһуйдаа» диэн норуоттар икки ардыларынааҕы уруһуй…
Дьокуускай-Аллараа Бэстээх хайысханан "Халыма" федеральнай суолунан Өлүөнэ өрүһү туоруур кыһыҥҥы суолу 2026 сыл тохсунньу 5…
ОДьКХ үлэһиттэригэр Аҕа дойду Улуу сэриитигэр Кыайыы 80 сылыгар анаммыт бэтэрээннэргэ көмө оҥорор «80 үтүө…