Хаартыска СӨ Биологическай ресурсаларын департаменыттан
Бу күннэргэ «Горнай улууһун көтөрдөрө» дидактическай босуобуйа таҕыста, ааптардарынан ураты харыстанар сир судаарыстыбаннай иниспиэктэрэ Сардаана Кривошапкина уонна Бэрдьигэстээх улууһун гимназиятын географияҕа учуутала Елена Алексеева буолаллар.
Бу туһунан СӨ Биологическай ресурсаларын департамена иһитиннэрэр.
Босуобуйаҕа С. Кривошапкина, В. Семенов, И. Яроев хаартыскалара киирдилэр, рецензенинэн ИБПК РНА ХС зоологическай чинчийиилэрин отделын старший научный сотруднига, б.н.к. Евгений Шемякин кытынна. «Горнай улууһа» муниципальнай оройуон айылҕатын харыстабыла» муниципальнай бырагырааманан үбүлэннэ.
Билиҥҥитэ Саха сиригэр 339 араас көтөр баара биллэр, онтон Горнай улууһугар 160 көрүҥэ баар. Көтөрдөр манна олохтоох уонна кэлэн барар көрүҥнэргэ арахсаллар. Үгүс көтөр улуус сиригэр-уотугар кыстыыр. Интэриэһиргиир дьоҥҥо бу олус туһалаах кинигэ буолар. Босуобуйа айылҕаны таптааччыларга көтөрдөр көрүҥнэрин билэргэ уонна кинилэр биологияларын үөрэтэргэ көмөлөһүөҕэ. «Горнай улууһун көтөрдөрө» диэн дидактическай босуобуйа фотокарточкаларын кэннигэр көтөр туһунан ойуулааһын уонна ааптар видеолаах QR-куода баар.
Горнай улууһунааҕы айылҕа харыстабылын иниспиэксийэтэ «Көтөрү аһатыы» бырайыагы олоххо киллэрэр, онно улуус уһуйааннара уонна оскуолалара көхтөөхтүк кытталлар. Бу улахан, чаҕылхай хартыыналаах бэртээхэй кинигэ оҕолору Горнай улууһугар баар көтөрдөрү кытта билиһиннэриэҕэ.
Инникитин босуобуйа ааптардара көтөрдөр тустарынан, ону тэҥэ биотехническэй тэрээһиннэн уонна кыылы-сүөлү аһатыы туһунан матырыйаал иккис кинигэтин таһаарар былааннаахтар.
Дөлүһүөн Эмкэ күһүн тоҥоруу түһүөн иннинэ хомуллубут отону туһаныллар. Хаппыт отону мэлийэллэр. Биэс остолобуой ньуоска…
Тоҥорууга бэлэмнээһин Тоҥорууга анаммыт хортуоппуйу омуһахтан таһааран баран куурдуллар, сылытыллар. Тоҥоруллубут хортуоппуй иҥэмтэлээх веществолара, амтана…
Бүлүүттэн төрүттээх ырыаһыт, урбаанньыт Кылаан Кындыл кэнники кэмҥэ өбүгэлэрин олохторун, төрүччүлэрин үөрэтэр. Кэлин биллибитинэн, кини…
Өрөспүүбүлүкэтээҕи национальнай библиотека краеведческай отделын тэрийиитинэн, Арассыыйаҕа Дьиэ кэргэн сылынан Маргарита Егоровна, Василий Степанович Винокуровтары…
2024 сыл - Арассыыйаҕа Дьиэ кэргэн, Саха Өрөспүүбүлүкэтигэр Оҕо саас сыла. Ол чэрчитинэн өрөспүүбүлүкэ улуустарыгар…
Саха сирин баһылыга Айсен Николаев уонна Росморречфлот салайааччыта Андрей Тарасенко Аллараа Бэстээххэ тырааныспар ситимин бырайыагын…