Горнай улууһун Маҥарас олохтоохторо «Т» буукубаны санатар ураты, сэдэх үөн ыспытын бэлиэтии көрөн хаартыскаҕа түһэрдилэр уонна социальнай ситимнэринэн тарҕаттылар.
Хаартыскаҕа көрдөххө, бу үөн-көйүүр биир ыал дьиэтин түннүгүн сырдыгар тиийэн ыспыт. Дьикти көстүү туһунан СИА-ҕа биолог, «Якутия» технопарк резидена Евгений Попов быһаарарынан, бу лыахтар «пальцекрылкалар», элбэх буолан бииргэ мустубуттар уонна түүҥҥү өттүгэр эрэ көтөллөр эбит.
«Үөн-көйүүр мин олорор дьиэм таһыгар бөлүүн баар буолбуттарын бэлиэтии көрбүтүм. Сарсыарда син аҕыйаабыттара, ол гынан сорохторо билигин да дьиэ иһигэр киирэн көтөллөр. Чугас ыалларбыттан ыйыппытым да, кинилэргэ оннук үөн-көйүүр суоҕа», — диэн Горнай улууһун Маҥарас сэлиэнньэтин баһылыгын солбуйааччы Василий Кривошапкин иһитиннэрдэ.
«Бу сэдэх лыахтар, «пальцекрылкалар», дьиҥэр дьон хараҕар улаханнык көстүбэттэр. Аны туран маннык элбэх ахсаанынан мустан көтөллөрө олус ураты көстүү буолар. Үксүн дьон хараҕар муҥутуур биир-икки эрэ лыахтары түбэһэн көрүөххэ сөп. Ханна эрэ чугастыы үөн-көйүүр үөскээн, элбэх буолан ыспыт буолуон сөп. Кинилэр сибэкки сүмэһининэн аһыыллар. Лыахтары аһылык, үүнээйи эбэтэр «львиный зев» сибэкки угуйбута саарбахтанар. Ону кытта хараҥа өттүгэр көтөр буоланнар, дьиэ түннүгүн сырдыга тардыбыта буолуо. Киһиэхэ уонна кыылларга туох да буортуну оҥорботтор. Саха сиригэр олус кылгас кэм иһигэр олороллор. Лыахтары олус сэдэхтик көрөллөр, тоҕо диэтэххэ, эттэрин-сииннэрин тутула уонна кынаттара мастар силистэригэр уонна үүнээйилэригэр майгынныыллар», — диэн Евгений Попов кэпсээтэ.
Дьокуускайга балаҕан ыйын 21 күнүгэр "Кросс нации" сүүрүү ыытыллыаҕа. Бу туһунан СӨ физическэй култуураҕа уонна…
СӨ Борокуратууратын дааннайынан, ааспыт сууккаҕа Саха сиригэр 11 буруйу оҥоруу тахсыбыт. Дьокуускайга ювелирнай мастарыскыайы халаан,…
Таатта улууһун олохтооҕо Афанасий Лопатин хортуоппуй хостуур тэрили толкуйдаабытын туһунан СИА суруйар. Бу тэрил хортуоппуйу…
СӨ Борокуратууратын дааннайынан, 2024 сыл аҕыс ыйын иһигэр өрөспүүбүлүкэ дьахталлара 1023 буруйу оҥорбуттар, ол иһигэр…
Бүгүн, балаҕан ыйын 19 күнүгэр, Саха сирин хоту, хотугулуу-илиҥҥи, Арктика оройуоннарыгар сорох сиринэн инчэҕэй хаар,…
Саха сирин Бырабыыталыстыбатын бэрэссэдээтэлин бастакы солбуйааччы Дьулустан Борисов Нерюнгри улууһугар оробуочай сырыытын кэмигэр Соҕуруу Саха…