Бэрдьигэстээххэ П.Д. Аввакумов аатынан бибилэтиэкэ Олоҥхо күнүн көрсө «Горнай улууһун олоҥхоһуттара» таһаарыыга икки интерактивнай былакааты бэлэмнээтэ.
Алексеев Семен Григорьевич — Уустарабыс — олоҥхоһут, алыптаах остуоруйаһыт, сээркээн сэһэнньит, сытыы тыллаах чабырҕахсыт, алгысчыт туһунан интерактивнай былакааты «Кэскил» медиа-оскуола иитиллээччитэ Дайаана Ноговицына оҥордо. Салайааччы тустаах бибилэтиэкэ инновационнай үлэҕэ бибилэтиэкэрэ, «Кэскил» медиа-оскуоланы салайар Айталина Санникова.
Маны сэргэ, ийэ олоҥхоһут, алгысчыт, тойуксут, оһуокай тылын этээччи Николай Михайлович Тарасов туһунан эмиэ интерактивнай былакааты Айталина Санникова бэлэмнээтэ.
—Дайаана бибилэтиэкэ кыраайы үөрэтэр салаатын баай матырайаалын хасыһан, үөрэтэн, хомуйан оҥордо. Маныаха кини интерактивнай былакааты оҥорор бырагырааманы үөрэтэн баһылаата, саҥа цифровой хайысхаҕа билиитин-көрүүтүн хаҥатта. Бу олоҥхоһуттар тустарынан интерактивнай былакааттары оскуолаҕа уруоктарга эбии матырыйаал быһыытынан туһаныахха сөп. Ону сэргэ, олоҥхону үөрэтэр, интэриэһиргиир киэҥ араҥаҕа ананар, — диэн этэр Айталина Николаевна.
Киһи аймах туой иһити неолит кэмиттэн, саҥа таас үйэттэн оҥостор, туттар буолбут. Саха омук даҕаны…
2021 сыллаахха түөрт оҕолоох Даниловтар дьиэ кэргэн Уһук Илиҥҥи ипотека бырагырааматыгар киирсэн уһаайба атыыласпыттара, «Килбиэнстрой»…
Хаһыаппыт бүгүҥҥү ыалдьыта, дьоруойдуу быһыы, бойобуой доҕордоһуу диэн тугун бэркэ билэр, биһиги биир идэлээхпит, кэллиэгэбит,…
Эдэриттэн эмэнигэр тиийэ саҥа сылы кытта хайаан даҕаны үтүө, кэрэ кэлиэҕэ, эһиил быйылгытааҕар өссө ордук…
Кистэл буолбатах, үгүстэргэ “мин билэр буоллум да, киһи барыта билиэхтээх” диэн өйдөбүл иҥэн хаалбыт. Билбэтин…
Бүгүн, ахсынньы 21 күнүгэр, өрөспүүбүлүкэ баһыйар үгүс өттүгэр кыралаан хаардыаҕа. Халымаҕа, Аллайыахаҕа хаар сөбүгэр түһүөҕэ.…