Быйыл улуус дьаһалтатын 2024 сыл I кыбаарталыгар ыыппыт үлэтин нэһилиэнньэ иннигэр отчуота бэрт сонуннук ыытылынна.
Бүгүн Кировскай нэһилиэгэр актыыбы кытта көрсүһүү буолла. Отчуоттуур бөлөҕү улуус баһылыгын бастакы солбуйааччы Сардаана Стручкова салайан илдьэ сырытта.
Нэһилиэк олохтоохторо улуус баһылыга ыытар үлэтин бэркэ сэргээн баран, маннык боппуруостары туруорустулар.
Быйылгы сыл Оҕо саас сылыгар анаммытынан улахан болҕомтону ууран туран, оҕолору, ыччаты тыа хаһаайыстыбатыгар сыһыарыы соруга турар. Киин балыыһа төрөппүттэргэ оҕо доруобуйатын бөҕөргөтүүгэ, сэрэтиигэ сырдатыы үлэтин ыытыан наада. Оҕо уһуйаана хапытаалынай өрөмүөҥҥэ наадыйар. Оонньуур былаһаакканы тупсарыыга үбүлээһин көрүллэрэ буоллар. Нэһилиэктэр икки ардыларыгар сылдьыахтаах оптуобус кыраапыгын сырыытын сурастылар. Эмчиттэргэ сыһыаннах кэккэ ыйытыы киирдэ. Ол курдук, эндокринолог быраас хаһан үлэлиирин, терапевт-быраас нэһилиэккэ олохтоохтору көрүүтүн интэриэһиргээтилэр.
Кэрэхсэбиллээҕэ баар, кировскайдар олохтоох былаас үлэтин сэргииллэрэ көһүннэ. Ол курдук, бэйэни салайыныыга эдэр исписэлиистэр үлэлии кэлэллэрэ буоллар, норуот дьокутааттарын отчуотун ыытыы курдук боппуруостары таарыйдылар. Кировскай нэһилиэгэр ыытыллар үлэни, бырайыактары сырдатыы олохтоохтору эмиэ интэриэһиргэтэр эбит. Бу туһунан улуус дьаһалтатын пресс-сулууспата дьаһалта телеграм-ханаалыгар сырдатта.
Ити курдук, улуус салалтата дьону-сэргэни кытта бииргэ үлэлиир, кыбаартал аайы үлэтин түмүгүн билиһиннэрэн иһэр, сүбэлэһэр буолан, Горнай улууһа бары салааларга өрөспүүбүлүкэҕэ инники күөҥҥэ сылдьар.
Саха сирин элбэх спортсменнарын үөрэппит Алексей Агаповка дойду успуордун миниистирэ Михаил Дегтярев бирикээһинэн мас-рестлиҥҥэ Арассыыйа…
Дьокуускайга ыам ыйын 17 күнүгэр «Түмэллэргэ түүн» диэн аахсыйа ыытыллар. Быйыл аан бастакытын аахсыйа геология…
«Продолжительная и активная жизнь» саҥа национальнай бырайыак олоххо киириитин чэрчитинэн Саха сиригэр сыл саҕаланыытыттан «Гепатиты…
Социальнай ситимнэринэн Саха сирин олохтоохторо Орто Сурт бөһүөлэк аттыгар трассаҕа маҥан кырсаны бэлиэтии көрбүттэрин видеоҕа…
Саха сиригэр анал байыаннай дьайыы бэтэрээннэрэ уонна кинилэр дьиэ кэргэттэрин чилиэннэрэ мэдиссиинэ уонна психологическай бырагыраамалар…
СӨ Бырабыыталыстыбатын дьаһалыгар олоҕуран, Нам улууһугар сокуоннайа суох үлэни бохсор бөлөх тэриллибитэ. Бөлөх салайааччыта –…