Горнай улууһуттан биир дойдулаахтар бэтэрээннэри эҕэрдэлээтилэр

Бу күннэргэ Дьокуускай куоракка олорор Горнай улууһуттан  төрүттээх бэтэрээннэргэ анаан «Өйдүүбүт, саныыбыт, махтанабыт!»  диэн ахтыы киэһэтин  «Горнай түмсүү» уопсастыбаннай тэрилтэ тэрийэн ыытта.

Бу туһунан биир дойдулаахтар түмсүүлэрин салайааччыта Надежда Федорова кэпсээтэ:

— Горнайтан төрүттээх Дьокуускай куоракка 3 сэрии кыттыылааҕын огдообото, 9 тыыл бэтэрээнэ, 48 сэрии сылын оҕолоро олороллор.

Бу күн биир дойдулаахтар көрсүһэн, таптыыр дойдуларыттан кынаттанан үүнэн тахсан, олохторун  үтүө сылларын ахтан-санаан аастылар.

Түмсүү актыыбын аатыттан ырыа куттаах эр дьон ансаамбыла,

эдэр кэскиллээх хомусчут Наталья Заровняева  эҕэрдэ  нүөмэрдэрин анаатылар.

Убаастыыр, киэн туттар бэтэрээннэрбитигэр кытаанах доруобуйаны, чугас дьоҥҥут, оҕолоргут, сиэннэргит тапталларыгар угуттанан, уһун дьоллоох олоҕу баҕарабыт.