Горнайдар «Азия оҕолорун» кыттыылаахтарын уонна Дьулустаан Ноговицыны чиэстиэхтэрэ
![](https://sakha-sire.ru/wp-content/uploads/2024/07/whatsapp-image-2024-06-30-at-4.40.50-pm-960x640-1-900x596.jpg)
Сарсын Горнай улууһун дьоно-сэргэтэ «Азия оҕолоро» VIII норуоттар икки ардыларынааҕы оонньуулар кыттыылаахтарын уонна «Дыгын оонньууларын» кыайыылааҕын, биир дойдулаахтарын Дьулустаан Ноговицыны чиэстиэхтэрэ.
Бу үөрүүлээх тэрээһин чэрчитинэн улууска «Маатта Berd» сайыҥҥы сынньалаҥ баазата аһыллыаҕа диэн Горнай улууһун дьаһалтатын пресс-сулууспата иһитиннэрэр.
Күнүс «Үлэ күүһэ» эрэдээксийэҕэ саха төрүт оонньууларын кыайыылааҕын Дьулустаан Ноговицыны кытары пресс-кэмпэриэнсийэ ыытыллыа. Ол кэннэ Горнай улууһун успуорду сэҥэрээччилэрэ А.А. Агеев аатынан оҕо успуордун оскуолатыгар эдэр спортсменнары кытары көрсүөхтэрэ.
Киэһэтин квиз-оонньуу, оттон «Чыпчаал» стадиоҥҥа автограф-сиэссийэ, сувенирдары атыылааһын, дьаарбаҥка ыытыллыа.
«Азия оҕолоро» VIII норуоттар икки ардыларынааҕа оонньуулар кыттыылаахтарын уонна «Дыгын оонньууларын» кыайыылааҕын, биир дойдулаахтарын Дьулустаан Ноговицыны чиэстээһин улахан кэнсиэринэн түмүктэниэ.
Сообщить об опечатке
Текст, который будет отправлен нашим редакторам: