Горнайдар Өймөкөөҥҥө көмөлөһө тиийдилэр

Сайыҥҥы халаантан улаханнык эмсэҕэлээбит Өймөкөөн улууһугар өрөспүүбүлүкэ үгүс улуустара көмөһөллөр. Сорох улуустар гуманитарнай көмөнөн, сорохтор чөлүгэр түһэрии үлэтигэр биригээдэлэрин ыыттылар.

Бүгүн Горнай улууһун тэрилтэлэриттэн хомуллан халаантан эмсэҕэлээбит Өймөкөөҥҥө улууһугар  көмөҕө туруннулар.

«Биһиги биир дойдулаахтарбыт, ханнык да ыарахаттартан чаҕыйбат, үлэни кыайа-хото тутар ыччаттарбыт, Өймөкөөн улууһугар күүс-көмө буола тиийдилэр», — диэн Горнай улууһун дьаһалтатын салалтатыгар этэллэр.