Горнайдар хорсун байыастарын көрүстүлэр

Бүгүн сарсыарда Дьокуускай авиапордугар  СӨ нэһилиэнньэҕэ куттал суох буолуутун хааччыйар Судаарыстыбаннай кэмитиэт бэрэссэдээтэлэ Дмитрий Лепчиков байыаннай дьайыы икки кыттыылааҕын көрүстэ. 

Икки байыас быстах кэмҥэ уоппускаҕа кэлбиттэр уонна сотору сулууспалыыр сирдэригэр төннүөхтэрэ. Дмитрий Лепчиков үтүө үгэс быһыытынан Ил Дархан Айсен Николаев аатыттан саха быһахтарын туттартаата.

Н. диэн байыаһы Горнай улууһун Атамай нэһилиэгин баһылыга Айсен Павлов, «Горнай түмсүү» уопсастыбаннай түмсүү чилиэнэ, Атамай нэһилиэгиттэн төрүттээх Дьокуускайга олорор дьон түмсүүтүн салайааччы Вадим Федоров уонна биир дойдулаахтара, аймахтара, доҕотторо көрүстүлэр. Кини байыаннай дьайыы саҕаланыаҕыттан сулууспалыы сылдьар. Биһиги, биир дойдулаахтара, төрөөбүт дойдуну көмүскүү сылдьарыттан киэн туттабыт.

 «Горнай түмсүү» уопсастыбаннай түмсүү пресс-бөлөҕө.