Салгыы
Горнайдар мэдиссиинэ тиһигэ сайдарыгар кэскили түстүүллэр

Горнайдар мэдиссиинэ тиһигэ сайдарыгар кэскили түстүүллэр

15.04.2024, 15:04
Хаартыска Горнай улууһун дьаһалтатын пресс-сулууспатыттан
Бөлөххө киир:

Бүгүн Горнай улууһун баһылыга Никита Андреев, улуус кылаабынай бырааһа Егор Григорьев уонна улуус дьаһалтатын дэлэгээссийэтэ доруобуйа харыстабылын миниистирин Лена Афанасьеваны кытары көрүстүлэр.

Кинилэр Горнай оройуонугар мэдиссиинэни салгыы сайыннарыы, кэлэр өттүгэр эбийиэктэри тутуу уонна каадыр боппуруостарын дьүүллэстилэр.

Көрсүһүүгэ Доруобуйа харыстабылын министиэристибэтин уонна Горнай оройуонун дьаһалтатын икки ардыларыгар доруобуйа харыстабылын тиһигин сайыннарыы былааннарын олоххо көдьүүстээхтик киллэрэргэ бииргэ үлэлээһин наадата ыйылынна.

Бу хайысхаҕа икки өттүттэн бииргэ үлэлииргэ уонна хардарыта көмөлөһөргө бэлэмнэрин биллэрдилэр. Горнай оройуонун олохтоохторугар мэдиссиинэ көмөтүн көдьүүһүн уонна хаачыстыбатын үрдэтиигэ туһуламмыт чопчу хайысхалар уонна дьаһаллар ыйылыннылар.

Миниистир маннык көрсүһүүлэр олус суолталаахтарын бэлиэтээтэ. Маннык көрсүһүүлэр тирээн турар кыһалҕалары суһаллык быһаарарга уонна мэдиссиинэ сайдыытын стратегиятын оҥорорго көмөлөһөллөр. Бу көрсүһүү түмүгүнэн, Горнай оройуонун нэһилиэнньэтин хаачыстыбалаах уонна табыгастаах мэдиссиинэ көмөтүнэн хааччыйыы тиһигин салгыы тупсарарга туһаныахтара.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
25 мая
  • 11°C
  • Ощущается: 9°Влажность: 50% Скорость ветра: 2 м/с

Сообщить об опечатке

Текст, который будет отправлен нашим редакторам: