Хаартыска: Ксения Васильева тиксэриитэ.
Горнай улууһун түөлбэлэрин бэрэстэбиитэллэрэ ТОС Арассыыйатааҕы ассамблеятын 10 сыллаах үбүлүөйүгэр кыттыыны ылан кэллилэр.
Манна Уһук Илин эрэгийиэнин түөлбэриттэн 400 кэриҥэ көхтөөх кыттааччы түмүстэ.
Горнай улууһун уопсастыбанньыктара бу тэрээһин чэрчитинэн муниципальнай юристар пуорумнарыгар, түөлбэлэр стратегическай сиэссийэлэригэр, РФ Уопсастыбаннай палаататын территориялары сайыннарыы, дьон олорор сирин тупсаран оҥоруу туһунан мунньахха кыттыыны ыллылар.
Судаарыстыбаннай Дуума дьокутааттара “Бастың түөлбэ” күрэһин кыайыылаахтарын наҕараадалаатылар. Дойду бастыҥ үлэлээх ТОС-тарын кыайыылаахтарын ортолоругар Горнай улууһун Одуну нэһилиэгин “Айтал” түөлбэ салайааччыта Жоржетта Текеянова аата дорҕоонноохтук ааттанна. Кини “Бастың салайааччы» буолла.
Горнай улууһун Бэрдьигэстээх нэһилиэгин “Үрдэл” түөлбэ салайааччыта Светлана Лю-Фа “Чөл олох уонна успуорт” хайысхаҕа бастыҥынан ааттанна.
Саха сирин түөлбэлэрин түмсүүтүн салайааччыта Ксения Васильева Бүтүн Арассыыйатааҕы түөлбэлэр ассоциацияларын салайааччытын Борис Кидяевы кытта бииргэ үлэлээһиҥҥэ сөбүлэҥ түһэристэ.
Ити курдук Горнай улууһун түөлбэлэрэ Москваҕа тиийэн, сотору-сотору бастыҥнар ахсааннарыгар киирсэрэ, үлэлэрэ бэлиэтэнэрэ үөрдэр.
Маннык суолталаах наҕараада тиһигин быспакка ыытыллар сыралаах үлэ түмүгүн көрдөрөр.
Олунньу 3-9 күннэригэр Хабаровскай куоракка остуол тенниһигэр 20-гэр диэри саастаах ыччаттар ортолоругар Уһук Илин федеральнай…
Мииринэй куоракка олус ыарахан буруйу оҥорбут киһини сууттаатылар. Бу буруйу оҥоруу түмүгэр кини ойоҕо өлбүт…
Бырабыыталыстыба отчуотугар Хатыстыыр олохтоохторо сири-уоту сайыннарыы, тупсарыы боппуруостарын дьүүллэстилэр. Алдан оройуонугар Хатыстыырга СӨ Бырабыыталыстыбатын отчуота…
Оҕо сөбүлүүр дьарыгар төрөппүт сыһыана эмиэ оруоллаах буоллаҕына, ситиһии, табыллыы, кыайыы барыта кэлэр. Ити чаҕылхай…
Ааспыт сууккаҕа өрөспүүбүлүкэҕэ 6 буруйу оҥоруу бэлиэтэммитин туһунан СӨ Борокуратуурата иһитиннэрэр. Бу дьыалаларынан бэрэбиэркэлээһин уонна…
Саха сирин олохтоохторо тыылга кыайыыны уһансаллар. Байыаннай дьайыы саҕаланыаҕыттан кинилэр ас астаан, эмп-томп хомуйан, таҥас…