Горнайдар Нам улууһугар көмөҕө тиийдилэр
23.05.2024, 14:08
Хаартыска Горнай улууһун дьаһалтатын пресс-сулууспатыттан
Бөлөххө киир:
Ууга эмсэҕэлээбиттэргэ Саха сирэ бүтүннүү көмөлөһөр. Ким гуманитарнай көмөнөн, ким бэйэтэ тиийэн илии-атах буолан чөлүгэр түһэрии үлэтигэр кыттар.
Бүгүн Горнай улууһуттан баһылык Никита Андреев салайааччылаах эр дьон биригээдэтэ халаан содулуттан эмсэҕэлээбит ыаллыы сытар Нам улууһугар көмө-тирэх буола тиийдэ. Горнайдар нэһилиэнньэни чөлүгэр түһэриигэ үлэлэһиэхтэрэ.
«Бүтүн Сахабыт сирин үрдүнэн ыксаллаах быһыы-майгы үөскүү сырытта. Маннык түгэҥҥэ туора турбакка, бэйэ-бэйэбитигэр көмөлөһөрбүт, өйөһөрбүт-өйөнсөрбүт, күүс-көмө буоларбыт хайҕаллаах дьыала», — диэн этэр Горнай улууһун баһылыга Никита Андреев.
Биригээдэ улуус дьоно-сэргэтэ хомуйбут гуманитарнай көмөлөрүн бүгүн Нам улууһун дьаһалтатыгар илдьэн туттардылар.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: