Бу күннэргэ Саха АССР төрүттэммитэ 100 сылынан өрөспүүбүлүкэбит күннэрэ Москва куоракка ыытылла тураллар. Саха омук киэн туттуута, тумус туттар киһитэ, норуот суруйааччыта Софрон Петрович Данилов төрөөбүтэ 100 сааһыгар аналлаах литературнай биэчэр Арассыыйа суруйааччыларын сойууһун дьиэлэригэр Москва куоракка буолан ааста.
Тэрээһиҥҥэ улуу убайбытын, горнайдар биир дойдулаахпыт Софрон Даниловы ахта-саныы СӨ Бырабыыталыстыбатын бэрэссэдээтэлин солбуйааччы Сергей Местников, СӨ культураҕа уонна духуобунуй сайдыыга миниистирэ Юрий Куприянов, Саха суруйааччыларын сойууһун бэрэссэдээтэлэ, норуодунай поэт Наталья Харлампьева, норуодунай суруйааччы Николай Лугинов, Арассыыйа суруйааччыларын сойууһун бастакы сэкирэтээрэ Геннадий Иванов, Горнай улууһун баһылыга Никита Андреев, Мытаах нэһилиэгин баһылыга Иван Петров, Софрон Данилов кыргыттара Вера, Любовь Даниловалар уонна Саха сирин, Горнай улууһун бэрэстэбиитэллэрэ кытыннылар.
Ыалдьыттар Софрон Данилов туһунан ахтыы оҥордулар, олоҕун туһунан бэрт элбэҕи кэпсээтилэр. Киэһээҥҥи тэрээһиҥҥэ суруйааччы хоһооннорунан ырыалары Саха сирин биллиилээх артыыстара толордулар.
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…
Амма улууһугар Аҕа дойду Улуу сэриитин уотун ортотунан ааспыт көлүөнэ дьон Сулуһа суох Дьоруойунан билинэр,…
Бэҕэһээ, ыам ыйын 8 күнүгэр, Дьокуускай куоракка аан бастыкытын ыытыллыбыт "Кыайыы вальсыгар" үгүс киһи үөрэ-көтө…
Дьокуускайга "Өлбөт үйэлээх полк" Бүтүн Арассыыйатааҕы үгэскэ кубулуйбут аахсыйа буолан ааста. Быйыл манна 50 тыһыынчаттан…
Ленскэй оройуонугар муус көхтөөхтүк устарын бэлиэтииллэр. Муус хамсааһынын орто диэн сыаналаатылар, уу таһыма рейкэ кээмэйигэр…
80 сыл анараа өттүгэр, ыам ыйын 9, 10 күннэригэр, “Кыым” хаһыакка тугу суруйбуттарай? Бу суруйуулары…