Горнайдар уолаттарын көрүстүлэр

Горнай улууһуттан байыаннай дьайыыга хомуурга ыҥырыллыбыт, баҕа өттүлэринэн кытта уонна хантараагынан сылдьар да уолаттар элбэхтэр.

Бу күннэргэ байыаннай дьайыыттан дойдуларыгар уоппускаҕа кэллилэр. Бүгүн улуус дьаһалтатыгар байыаннай эпэрээсийэ кыттыылаахтарын кытары көрүстүлэр.

Бу туһунан Горнай улууһун дьаһалтатын пресс-сулууспата иһитиннэрэр.

Улуус баһылыгын эбээһинэһин толорооччу Алгыс Стручков байыастары кытары көрсөн ирэ-хоро кэпсэттэ, көмө нобуорун туттарда. Биир дойдулаахтара кыайыы-хотуу көтөллөөх эргиллэн кэлэллэригэр алгыс тылын эттилэр.