Горнайга баһаарга биэнсийэлээх дьахтар эмсэҕэлээбит

Баһаарга дьиэ кырыыһата уонна гараас уопсайа 112 кв.м. иэнэ уокка былдьаммыт.

Горнай улууһун Бэрдьигэстээх сэлиэнньэтигэр бэс ыйын 29 күнүгэр киэһэ 23:04 чааска баһаарынай-быыһыыр сулууспаҕа Прохоров аатынан уулуссаҕа турар чааһынай дьиэҕэ уот тахсыбытын туһунан иһитиннэрии киирбит. Икки мүнүүтэнэн өрөспүүбүлүкэтээҕи баһаарынай харыстабыл үлэһиттэрэ быһылаан тахсыбыт сиригэр тиийбиттэр.

Бу туһунан Саха сиринээҕи ЫБММ пресс-сулууспата иһитиннэрэр.  Баһаар түмүгэр 66 саастаах дьахтар илиитин уокка сиэппит. Баһаар төрүөтэ, буруйдаахтар уонна хоромньу быһаарыллаллар.