Хаартыска: pxhere.com
Бэҕэһээ Горнай улууһун П.Д. Аввакумов аатынан Киин бибилэтиэкэҕэ «Ситим» уопсастыбаннай сайдыы киинигэр «Булт туризма» диэн тиэмэҕэ дьүүллэһии буолан ааста.
Тэрээһиҥҥэ улуус баһылыга Никита Андреев, Судаарыстыбаннай экологическай кэтээн көрүү Горнайдааҕы иниспиэксийэтин салайааччыта Родион Сергеев, Экология министиэристибэтин Булт уонна бултуур сири-уоту харыстааһын департаменын кылаабынай исписэлиистэрэ Артур Дмитриев уонна Лера Евсеева, «Робинзонада в Якутии» булт туризмын киинин салайааччыта Михаил Ефимов, Саха сирин туристскай индустриятын ассоциациятын бэрэссэдээтэлэ Аркадий Дорофеев кытыннылар.
“Төгүрүк остуолга” булт туризмын тэрийии, булчуттар икки ардыларыгар хардарыта бииргэ үлэлээһин хайысхаларын уонна оройуон булчуттарын, «Горнай улууһа»МО дьаһалтатыттан муниципальнай өйөбүл дьаһалларын ылыныы, экологическай туризм аныгы кэнсиэпсийэтин, ол иһигэр бултааһын туризмын булт хаһаайыстыбаларын сайыннарыы кэскиллээх хайысхатын быһыытынан көрүү туһунан дьүүллэстилэр.
Экология министиэристибэтин исписэлиистэрэ булчуттар отчуоттарын графигын уонна көрүҥүн, бултуур сир арендатын уонна бултуур сирдэри булт туризмыгар биэрии, вольернай бултааһын, бу көрүҥҥэ инвестицияны тардыы, Уһук Илин гектарынан ылыллыбыт сиргэ бултааһыны сайыннарыы туһунан быһааран кэпсээтилэр.
Бэлиэтээн эттэххэ, тэрээһин бастакытын ыытылынна уонна бу хайысхаҕа СӨ Экологияҕа министиэристибэтэ салгыы үлэлиэҕэ диэн тустаах тэрилтэ пресс-сулууспата иһитиннэрэр.
Электронаай табахтан, вейптан аккаастаныы "Давай бросать" диэн марафон саҕаланна. Биир санаалаахтар никотинтан тутулуктаах буолууну бохсорго…
"Буойун" киин «ВОИН.КИНО» бырайыагы билиһиннэрдэ. "Буойун" киин бырабылыанньатын бэрэссэдээтэлэ, Госдума дьокутаата, ЛНӨ дьоруойа Виктор Водолацкай…
Бүгүн үс үллэр үөстээх Өлүөнэ эбэ күнүгэр Хаҥалас улууһун олохтоохторо тахсаннар кытылы бөхтөн-сыыстан ыраастаатылар. …
Түөкүттэр социологическай ыйытыылары биэрбитэ буолан, кэпсэтиннэрэ сатыыллар. Сыаллара-соруктара – куоласкын уһултара охсуу. Ол кэнниттэн эн…
Быйыл олунньуга Нерюнгрига элбэх кыбартыыралаах дьиэ иннигэр муустан халтарыйан, биирдээх оҕотун көтөҕөн испит ийэ охтубут.…
Өҥүрүк куйаас сатыылаан турдаҕына сарсыардаттан куорат тэрилтэлэрин кэрийэн, ыдьырыйа сылайдарбын даҕаны, син наадабын ситэн, дэриэбинэҕэ…