Горнайга икки дьахтары түҥнэри көппүттэр

Горнай улууһугар Бэрдьигэстээх сэлиэнньэҕэ ахсынньы 26 күнүгэр киэһэ 18.00 чаас саҕана Горнай улууһун ИДьМ дьуһуурунай чааһыгар 03 диспетчертэн «Эгэлгэ» атыы-эргиэн киин аттыгар киһини түҥнэри көппүттэрин туһунан  иһитиннэрии киирбит.

Бэрэбиэркэ кэмигэр быһаарыллыбытан, 1960 с.т. суоппар «Тойота Королла» мааркалаах массыынанан Софрон Данилов уулуссаҕа «Эгэлгэ» атыы-эргиэн киин аттыгар 1983 с.т. уонна 1960 с.т. икки дьахтары түҥнэри көппүт. Суол саахалын түмүгэр дьахталлар араас эчэйиини ылбыттар. Бу туһунан Госавтоинспекция пресс-сулууспата суруйар.