Салгыы
Горнайга сахалыы ойуулуктары оҥороллор

Горнайга сахалыы ойуулуктары оҥороллор

Ааптар:
12.04.2023, 09:20
Хаартыска А.Колесова тиксэриитэ
Бөлөххө киир:

Быйылгы үөрэх сылыгар Горнай улууһугар үлэлиир «Сайдыы суола» уопсастыбаннай тэрилтэ уонна Л.Е.Лукина аатынан эбии үөрэхтээһин киинэ «Оҕолор сахалыы ойуулуктары оҥороллор» диэн бырайыагы көҕүлээн олоххо киллэрэ сылдьаллар. Бырайыак Ил Дархан гранын куонкуруһун кыайыылааҕа буолан өйөбүлү ылбыта.

Бырайыак сүрүн сыала-соруга — учууталлары, иитээччилэри, уһуйааччылары уонна оҕолору ойуулуктары айан, оҥорон, таҥан таһаарарга үөрэтии Ылбыт билиилэрин, сатабылларын туһанан, сахалыы ойуулуктары оҥорууну көҕүлээһин буолар.

Хаартыска А.Колесова тиксэриитэ

Бу күннэргэ киин эдэр уһуйааччыта Алаайа Андреева «Базовые компетенции компьютерной анимации» диэн маастар-кылааһы ыытан билиитин-көрүүтүн үллэһиннэ. Алаайа Никитична «мультипликатор-худуоһунньук» анал үөрэҕин  баһылаабыт эдэр кэскиллээх уһуйааччы буолар.

Маастар-кылааска өрөспүүбүлүкэбит араас улуустарыттан уонна  Дьокуускай куораттан 7 оҕо  уонна оскуола, уһуйаан 18 иитээччитэ, төрөппүттэрэ кииҥҥэ кэлэн уонна куйаар ситимин нөҥүө холбонон кыттыыны ыллылар. Билиҥҥи бириэмэҕэ олус наадалаах ньыма кистэлэҥнэрин, кыахтарын үөрэттилэр.

Хаартыска А.Колесова тиксэриитэ

Маастар-кылаастарга кыттыыны ылбыт уһуйааччылары,  төрөппүттэри муус устар 21 күнүгэр «Сайдыы суола» уопсастыбаннай тэрилтэ көҕүлээн ыытар өрөспүүбүлүкэ таһымнаах «Айар аартык» бэстибээлигэр ыҥыраллар. Дьарыктаабыт оҕолоргут бастакы айымньыларынан көхтөөхтүк кыттыахтара диэн эрэнэллэр.

Александра Колесова,

«Сайдыы суола» түмсүү салайааччыта

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
20 июля
  • 18°C
  • Ощущается: 18°Влажность: 68% Скорость ветра: 2 м/с

Сообщить об опечатке

Текст, который будет отправлен нашим редакторам: