Горнайга оҕолор кыһыннары бэс үүннэрэллэр уонна бүөбэйдииллэр

Горнайга оҕолор кыһыннары бэс үүннэрэллэр уонна бүөбэйдииллэр

03.10.2022, 13:09
Бөлөххө киир:

     Горнайга уһуйааҥҥа оҕолору кыраларыттан айылҕаны таптыырга, үүнээйини көрө-истэ сылдьарга, тулалыыр эйгэҕэ харыстабыллаахтык сыһыаннаһарга үөрэтэллэр-такайаллар. Үлэ тиһиктээхтик салҕанар.

     Улууска экология сылынан, Бэрдьигэстээххэ «Сардаана» 8 №-дээх оҕону сайыннарар кииҥҥэ «Чудо – дерево сосна» диэн чинчийэр бырайыак саҕаланна диэн тустаах тэрилтэттэн иһитиннэрэллэр.    Бырайыак сыала-соруга саҥа үүнэн эрэр бэстэри дьиэҕэ кыстатыы, кырачааннары үүнээйини бүөбэйдэтэ үөрэтии, тулалыыр эйгэни харыстыы улааталларыгар такайыы, айылҕаҕа сыһыарыы, чугаһатыы.
     Бырайыак иитинэн уһуйаан иитиллээччилэрэ кыһын бэстэри көрөллөр-итэллэр. Ону сэргэ, бэс киһиэхэ туһатын туһунан үөрэтэллэр. Саас оҕо саадын выпускниктара уһуйааннарын сиригэр-уотугар төрөппүттэрин кытары бэстэри олордуохтара. Итиэннэ кыһын устатыгар хайдах көрбүттэрин-истибиттэрин, тугу үөрэппиттэрин, билбиттэрин-көрбүттэрин хатылыахтара.
     Бэрдьигэстээххэ «Сардаана» оҕону сайыннарар киин улуустааҕы ойуур хаһаайыстыбатын (лесничество) уонна экология иниспиэксийэтин кытта ыкса сибээстээх үлэлиир.
Лента
Салгыы
7 декабря
  • -38°C
  • Ощущается: -45°Влажность: 67% Скорость ветра: 2 м/с