Анна Иванова хаартыската
2025 сыл тохсунньу 1 күнүттэн дойдубутугар «Дьиэ кэргэн» национальнай бырайыак үлэлии турар. Ол чэрчитинэн «Дьиэ кэргэн сыаннастара уонна култуура инфраструктурата» эрэгийиэннээҕи бырайыагынан эрэгийиэннэргэ муниципальнай модельнай бибилэтиэкэлэри тэрийэр куоҥкурус ыытыллар.
Бу бырайыакка Горнайтан П.Д. Аввакумов аатынан киин бибилэтиэкэ аныгы кэм бибилэтиэкэтин олоххо киллэрэр кэнсиэпсийэ суруйан, улахан күрэһи ааспыта, кыайыылаах буолан 15 мөлүйүөнү ылбыта.
Ол курдук, улуус бүддьүөтүттэн үп көрүллэн истиэнэлэр кырааскаланнылар, сүрүн саалалар ис үрдүлэрэ уларыйда, уот ситимэ саҥаттан тардылынна, ис бараана тупсарылынна. Федеральнайтан уонна өрөспүүбүлүкэттэн көрүллүбүт үбүнэн-харчынан саҥа кинигэлэр ылылыннылар, стеллажтар туруорулуннулар, ааҕааччы үлэлииригэр табыгастаах, хааччыллыбыт анал миэстэлэр, бибилэтиэкэ үлэтин, улууска гражданскай көҕүлээһин үлэтин сырдатар истиэндэлэр оҥоһулуннулар. Наадалаах тэриллэр, RFID-тэрил, уо.д.а. баар буоллулар.
Бу күннэргэ бибилэтиэкэрдэр пуонданы туруорар, сууйар-сотор, сааһылыыр күргүөмнээх үлэ үөһүгэр сылдьаллар. Аныгы ирдэбилгэ толору эппиэттиир саҥардыллыбыт бибилэтиэкэ балаҕан ыйын 27 күнүгэр улуус, нэһилиэк олохтоохторугар, ааҕааччыларыгар үөрүүлээх быһыыга-майгыга аанын тэлэччи арыйыаҕа.
Анна Иванова, Горнайдааҕы кииннэммит бибилэтиэкэ ситимин дириэктэрэ,
Лена Саввинова, бибилэтиэкэ ааҕааччыны кытта үлэҕэ сэбиэдиссэйэ.
Хаартыскаларга Анна Иванова түһэриилэрэ
Нам улууһун I Хомустааҕын олохтооҕо Алексей Михайлович Татаринов-Удьурҕай 1983 с. Нам педагогическай училищетын, 2004 с.…
Уулаах отон туһата. Отон туһатын туһунан бэрт элбэхтик суруллар. Бүгүн Клара, Петр Токумовтар "Төрөөбүт дойдубут…
Саха сиригэр ааспыт сууккаҕа 7 ойуур баһаарын умуруорбуттар. Уот хаппыт уопсай иэнэ 1 874,2 га. …
Алдан улууһугар Ыллымахха баар кырдьаҕастар уонна инбэлииттэр дьиэлэриттэн 1964 сыллаах төрүөх эр киһи атырдьах ыйын…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников үөрэх дьыла саҕаланара чугаһаабытынан, Дьокуускайга оскуолалар тутуллууларын уонна…
Дьокуускайга "ЗдравОсмотр" аахсыйа иитинэн, дьон-сэргэ доруобуйатын көрдөрдө, анаалыстары туттарда. Бу доруобуйа харыстабылын министиэристибэтэ тэрийэр аахсыйатын…