Горнайга сэтинньигэ сардаана сибэкки тылынна

Горнай улууһун Маалтааны нэһилиэгин «Мичээр» уһуйаанын иитиллээччилэрэ уонна иитээччилэрэ сардаана сибэккини үүннэрэллэр. Сибэккилэрэ бу күннэргэ тыллыбытын туһунан нэһилиэк телеграм-ханаалыгар суруйбуттар.

Уһуйаан «Кустукчаан» бөлөҕүн оҕолоро иитээччилэр — Раиса Алексееваны уонна Надежда Алексееваны кытта күн аайы сибэккилэрин бүөбэйдээбиттэр, хайдах тылларын чинчийбиттэр. Инникитин хонуу ромашкатын уонна да атын сибэккилэри олордор былааннаахтар.