Горнайга суол саахалыгар 13 киһи эчэйбит, биир киһи туруга мөлтөх

Доруобуйа харыстабылын министиэристибэтигэр «Бүлүү» федеральнай суолга Горнай улууһугар суол саахалыгар эчэйбит дьон туруктарын туһунан иһитиннэрдилэр.

Суол саахалыгар эмсэҕэлээбиттэри Горнайдааҕы киин балыыһатыгар суһал көмө сулууспа үлэһиттэрэ эвакуациялаабыттар. Оройуон балыыһатын быраастара 4 эмсэҕэлээбиттэри (1 дьахтар, 3 эр киһи) олорор сирдиэринэн амбулаторнай эмтэниигэ ыыттылар. Кинилэр туруктара орто. Оттон биир эмсэҕэлээччи (эр киһи) туруга мөлтөхтүк сыаналанар. Эмсэҕэлээбит эр киһи балыыһаҕа киирбит, эпэрээссийэлэммит уонна наадалаах мэдиссиинэ көмөтө оҥоһуллар.

Итини таһынан 1- кы №-дээх өрөспүүбүлүкэтээҕи балыыһаҕа 4 эмсэҕэлээбит оҕону илдьибиттэр, олортон 2 оҕо амбулаторнай эмтэниигэ, 2 араас эчэйиилээх балыыһаҕа киирбиттэр. Кинилэр туруктара орто диэн сыаналанар.

Санаттахха, «Бүлүү» трассатыгар Горнай оройуонун Орто Сурт сэлиэнньэтиттэн чугас муус устар 1 күнүгэр киэһэ «Тойота Алион» уонна «Хайс» микрооптуобус харсыспыттар. Госавтоинспекцияҕа иһитиннэрбиттэринэн, 13 киһи, ол иһигэр биэс оҕо эмсэҕэлээбит.

«Барыллаан быһаарыына, суоппардар суол уонна метеорологическай усулуобуйаны учуоттаабатахтар. Бу күн күүстээх хаар түспүтэ. Кыра массыына халтарытан, микрооптуобус суоппара харсыһыыттан куотунаары утары балаһаҕа тахсан биэрбит уонна «Тойота Алион» массыынаны кытта харсыспыт. Микрооптуобус дьону таһан испит», — диэн иһитиннэрбиттэрэ.