Горнайга тутуу үлэһиттэрэ үгээрдээбиттэринэн бэрэбиэркэ түмүгэ таҕыста

Өрөспүүбүлүкэ борокуратууратын сорудаҕынан Горнай оройуон борокуратуурата үлэ харыстабылын туһунан сокуону тутуһууну бэрэбиэркэлээтэ.

Силиэстийэ быһаарбытынан, бу сыл тохсунньу 31 күнүгэр дьиэни сылытар тэрил туһаныы түмүгэр, сөптөөх вентиляцията суох хоско 5 үлэһиттээх биригээдэ үгээрдээн сүһүрбүттэрэ биллибит. Эмсэҕэлээбиттэргэ кэмигэр мэдиссиинэ көмөтө оҥоһуллубут, оттон икки эр киһи балыыһаҕа киирбиттэр.

Үлэ харыстабылын ирдэбиллэрин тахсыбыт кэһиинэн сибээстээн, куттала суох буолууну хааччыйыыга дьаһаллар ылыллыбакка үлэһиттэр доруобуйалара буортуламмыт, ол иһигэр сөптөөх олорор сирдэрэ хааччыллыбатах. Тутулла турар элбэх кыбартыыралаах дьиэ бэдэрээтчитигэр административнай буруйу оҥорууга дьыала тэрилиннэ. Борокуратуура хонтуруолунан бу чахчынан процессуальнай бэрэбиэркэ ыытыллар диэн СӨ Борокуратууратын пресс-сулууспата суруйар.