Горнайга тыатааҕы дьахтарга саба түстэ

Бэҕэһээ, атырдьах ыйын 14 күнүгэр, Горнай улууһун Мытаах нэһилиэгиттэн биир көс тэйиччи баар Ыарҕа сайылыгар тыатааҕы биир дьахтарга саба түһэн улаханнык эчэттэ.

Дьахтар уу баһа турдаҕына, тыатааҕы кэлэн саба түспүт. Хата, кэргэнэ хаһытаабытыгар куоппут. Эмсэҕэлээбит киһини суһаллык Бэрдьигэстээххэ киин балыыһаҕа аҕаллылар.

Бүгүн дьахтар доруобуйатын туруга орто ыарахан диэн быраастар сыаналыыллар диэн Горнайдааҕы «Үлэ күүһэ» хаһыат телеграм-ханаала иһитиннэрэр.