Горнайга түөрт киһи суол быһылааныгар эмсэҕэлээтэ

Ааспыт сууккаҕа өрөспүүбүлүкэҕэ буруйу оҥоруу 5 түбэлтэтэ тахсыбыта бэлитэннэ, бу дьыалаларынан бэрэбиэркэ ыытылынна уонна холуобунай дьыалалар өрөспүүбүлүкэ борокуратууратын хонтуруолугар ылылыннылар диэн СӨ Борокуратуурата иһитиннэрэр.

Түөкүттэр угаайыларыгар киирэн биэрэн Горнай улууһун олохтооҕо эмсэҕэлээтэ. Түөкүн «суотабай сибээс операторабын» диэн төлөпүөннээн 3 мөл. солк. уорбут.

Дьокуускай куоракка наркотигы сокуоннайа суох эргиниини тохтоттулар. Итирик туруктаах сылдьан иккистээн массыына уруулугар олорбут киһини туттулар.

Нолуокка иэһин төлүөн баҕарбакка, 18 мөлүйүөн солкуобай үбүн-харчытын кистии сылдьыбыт киһиэхэ холуобунай дьыала тэрилиннэ.

Амма улуһугар массыынаны бэрэбиэркэлээһин кэмигэр саһархай өҥнөөх тимир кутуллубут бааҥката былдьанна, бэрэбиэркэ ыытыллар.

Дьокуускай куоракка 1975 с.т. эр киһи балыыһаҕа киирдэ, кини дьиэ иккис этээһин тута сылдьан сууллубут.

Өлүөхүмэ улууһугар сатыы баран иһэр киһини массыына түҥнэри көппүт, эмсэҕэлээччи балыыһаҕа киирбит.

Горнай улууһугар суол-тырааныспар саахалыгар 4 киһи эмсэҕэлээтэ, массыына утары суолга тахсыбыт.

Суол-тырааныспар быһылааннара өссө Мэҥэ Хаҥалас уонна Ньурба улуустарыгар тахсыбыттара, онно суоппардар эт-сиин эчэйиилэрин ылбыттара бэлиэтэннэ.

Суукка иһигэр киһи өлүүлээх суол быһылаана тахсыбата. Үс суоппар итирик туруктаах массыына ыыта сылдьан тутулуннулар.