Хаартыска: Саргылана Оленова тиксэриитэ
Горнай оройуонун Бэрдьигэстээх нэһилиэгэр Оленовтар дьиэ кэргэттэрэ Саха сирин тыйыс тымныытыгар тыыннаах тюльпан сибэккилээх «оазис» тэрийбиттэр. Кинилэр кыһыҥҥы тэпилииссэлэригэр 5 тыһыынчаттан тахса тюльпан сибэкки силигилии үүнэн тыллыбыт. Бу туһунан СИА суруйар.
Саргылана Оленова кэпсииринэн, тюльпан сибэккини олордуунан дьарыктанар санаа кинилэргэ былырыын сайын үөскээбит. Итини кэннэ эдьиийдии-балыстыы дьахталлар бу дьыаланан холонон көрөргө быһаарыы ылыммыттар. Кинилэр бырааттарын, күтүөттэрин кытта түмсэн 42 кв.м. иэннээх кыһыҥҥы тэпилииссэни туппуттар. Соҕурууттан 10 араас сибэкки суортарын сакаастаан ылбыттар уонна гидропоннаах лотуоктарга олордубуттар.
Аҕыйах нэдиэлэнэн сибэккилэрэ силис тардыбыт. Онон бары дьиэ кэргэнинэн тюльпаннары сылаас усулуобуйаҕа олордуу ураты кистэлэҥнэрин үөрэтэн барбыттар. Тюльпаннары кыһыҥҥы сынньалаҥ кэмигэр олордубуттар, оттон үлэлэрин бастакы ситиһиилээх түмүктэрин бу саас биирдэ көрөр кыахтаммыттар.
«Тюльпан бэйэтэ-бэйэтигэр туран эрэ силис тардыбат, ураты көрүүнү-харайыыны эрэйэр. Бэл, ууга да уктахха, сөптөөх температурата уонна сиигэ суох үүнээйи тыллыбат. Тюльпаннарга сөрүүн килиимэт наадатын быһаардыбыт: салгын температурата 14 кыраадыстан үрдүө суохтаах, ону тэҥэ тустаах таһымҥа салгын сиигэ тутуһулларын дьаһайыахха наада эбит», — диэн Саргылана санаатын үллэһиннэ.
Төһө да уустугун иһин, дьиэ кэргэн бэйэтин күүстээх идиэйэтиттэн аккаастамматах. Тэпилииссэни көрүүнэн бары дьиэ кэргэнэн дьарыктаммыттар. Билигин кинилэр Аан дойдутааҕы дьахталлар күннэрин тыыннаах, кэрэ көстүүлээх тюльпан сибэккилэр быыстарыгар көрсөр былааннаахтар.
Таатта улууһун киинигэр Ытык Күөлгэ күрэс төрүт көрүҥнэригэр XXII "Манчаары оонньууларын" түмүктүүр тэрээһин "Дьулуруйар Ньургун…
Сыл түмүгүнэн үтүө үгэһинэн, сылын ахсын Оһуокай ыһыаҕа ыытыллар. Быйылгы Оһуокай ыһыаҕа от ыйын 12…
Дьокуускайга Аҕа дойду Улуу сэриитин бэтэрээнэ Петр Константинович Яковлев 100 сааһын туолуутун үөрүүлээх быһыыга-майгыга чиэстээтилэр.…
Хаһаайыстыбаннай мыыла туһата элбэх эбит. Аҥардас таҥас сууйарга эрэ буолбакка, хаһаайыстыбаҕа барытыгар туһаныахха сөп эбит.…
Арассыыйа Бэрэсидьиэнэ Владимир Путин байыаннай таҥас кэтиитигэр уларыйыы киллэрэр туһунан Ыйаахха илии баттаата. Докумуон быраап…
Таатта улууһугар Ытык Күөлгэ ыытыллыбыт күрэс төрүт көрүҥнэригэр XXII “Манчаары оонньууларын” уопсай хамаанданан түмүктэрэ билиннэ. …