Хаартыска -- Горнай улууһун пресс-сулууспата
Бэҕэһээ, бэс ыйын 2 күнүгэр, Горнай улууһугар «Үлэнэн — үрдэлгэ» урбаанньыттар пуорумнара буолан ааста.
Улуус дьаһалтатын пресс-сулууспата иһитиннэрбитинэн, суолталаах тэрээһиҥҥэ Алдантан, Бүлүүттэн, Эдьигээнтэн, Хаҥаластан, Мэҥэ Хаҥаластан, Намтан, Уус Алдантан, Чурапчыттан, Дьокуускайтан – барыта 200-чэкэ ыалдьыт кыттыыны ылла.
Күн устата урбаанньыттар, бэйэ дьыаланы арыныан баҕалаахтар араас дьыалабыай былаһааккаларга кыттыыны ыллылар, анал маастар кылаастардарга сылдьан, урбаан эйгэтигэр бэйэлэрин билиилэрин хаҥаттылар.
Тэрээһиҥҥэ урбаан уонна туризм миниистирэ Тимур Ханды, Москваттан «Region PR» туризм бырабылыанньатын салайааччыта, событийнай туризм национальнай ассоциациятын салайар, “Russian Event Awards” национальнай бириэмийэни төрүттээбит Геннадий Шаталов кыттыыны ыллылар.
Кэрэхсэбиллээҕэ баар, оскуола оҕолоро бу тэрээһиҥҥэ көхтөөх кыттыыны ыллылар. Хатастааҕы агро-оскуола бэрэстэбиитэллэрэ оскуола үөрэнээччилэрэ олоххо киллэрбит бырайыактарын аҕалан билиһиннэрдилэр.
Бэрдьигэстээх IT-киинигэр хаартысканан түһэриигэ фотограф Туяра Андреева маастар-кылаас ыытта.
Дьокуускайтан аатырбыт асчыт, “Атласовтар уһаайбалара” этнокомплекс шеф- асчыта Николай Атласов олохтоох Горнай аһыттан тугу астыахха сөбүн туһунан маастар-кылааһы ыытта.
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…
Бүгүҥҥү күн – наҕыл, сымнаҕас уонна дьиэҕэ-уокка чугас дьону кытта сынньанарга табыгастаах кэм. Ый Оҕус…