Горнайтан икки ыал дьиэҕэ субсидия тутта

«Тыа сирин кэлимник сайыннарыы» судаарыстыбаннай бырагырааманан 2003-2021 сылларга 5244 дьиэ үлэҕэ киирбитэ.

Бу бырагырааманан туһанан элбэх дьиэ кэргэн олорор усулуобуйаларын тупсардылар.  СӨ Тыа хаһаайыстыбатын министиэристибэтин үбүлээһининэн, Горнай Бэрдьигэстээҕиттэн 3 оҕолоох  Яковлевтар уонна Мытаахтан 4 оҕолоох Кириллиннэр дьиэ туттарга уонна атыылаһарга субсидия ыллылар. Ол курдук, бүгүн   Яковлевтарга  1 мөл. 498 608 солк. уонна Кириллиннэргэ 2 мөл. 354 940 солк. суумалаах   субсидия сэртипикээтэ үөрүүлээх быһыыга-майгыга  туттарылынна. Бу туһунан Горнай улууһун дьаһалтата иһитиннэрдэ.