Горнай улууһугар «Ыраас ойуур» аахсыйанан ыраастааһын үлэтэ буолан ааста

Ааспыт нэдиэлэ бүтүүтэ Горнай улууһун тэрилтэлэрэ «Ыраас ойуур» аахсыйаны тэрийдилэр. 

Бу аахсыйа дьон элбэхтик сылдьар сирдэрин, ойуурдарын бөҕүттэн ыраастыырга туһуланар уонна Улуу Кыайыы 80 сылыгар ананна диэн Горнай улууһун дьаһалтата иһитиннэрэр.

Ыраастааһыҥҥа улуус 100-чэ олохтооҕо кыттыыны ылла: Горнай улууһун дьаһалтатын, Бэрдьигэстээх нэһилиэгин, АМПКиС, Үөрэх управлениетын, Тыа хаһаайыстыбатын управлениетын, Ресурснай киин, СӨ Горнайдааҕы нэһилиэнньэ көмүскэллээх буолуутун киинин,  Ветеринария управлениетын, Экология министиэристибэтин, о.д.а. тэрилтэлэрин үлэһиттэрэ.

Горнайдар «Ыраас ойуур» аахсыйа эстафетатын Бүлүү улууһун дьаһалтатыгар уонна Кэбээйи улууһун дьаһалтатыгар туттардылар. Бу улуустар баһылыктара уонна олохтоохторо көҕүлээһини үөрүүнэн өйүөхтэрэ уонна айылҕаны харыстыыр улахан суолталаах дьыаланы салгыахтара диэн эрэллээхтэрин биллэрдилэр.