Гороскоп: ахсынньы 15 — 22 күннэрэ

ХОЙ

Үлэҕэр-хамнаскар саҥа этиилэр киириэхтэрэ. Ким да сүбэтин ылымматыҥ ордук. Барытын бэйэҥ сыта-тура толкуйдаан баран быһаарыныы ылын. Саҥа олоҕу саҕалыыргар тоҕоостоох буолуо.

ОҔУС

Кыстыкка киириигэ улахан соруктаргын дьэ ситиһэн бу күннэргэ санааҥ көтөҕүллэ сылдьар. Ылсыбыт дьыалаҥ табыллар кэмэ. Чугас аймахтаргын кытта биисинэс эйгэтигэр өйөһүөххүн сөп.

ИГИРЭЛЭР

Дьон саҥатын-иҥэтин аһары чугастык ылынаҕын. Онуоха ардыгар сүбэлиир-амалыыр киһи суоҕа уйадытар. Наһаа кыраттан тымтан кыыһырар буолбуккун. Ити барыта доруобуйаҕар охсуон сөп. Онон бэйэни туттуна сырыт.

АРААК

Долгутуулаах көрсүһүү, саҥа билсиһии кэмэ. Ыраах айаҥҥа турунуу, бииргэ сылдьыы сыһыаҥҥытын
өссө тупсарыа. Дьиэ кыһалҕатыгар үтүрүйтэрбэккэ, инниҥ хоту баран ис.

ХАХАЙ

Урут ситиһиини аҕалбыт саҥа бырайыактарыҥ эбэтэр биисинэскэ сыһыаннаах дьыалаларыҥ үтүө
көрдөрүүлээх буолуохтара. Саҥа суолу тобуларгар табыгастаах кэм үүммүт.

КЫЫС

Саҥа мал-сал эбэтэр дьиэ, массыына атыылаһыаххын сөп. Мантан санааҥ көнньүөрүө. Докумуон оҥорсууга болҕомтолоох буол.

ЫЙААҺЫН

Ыраах айаҥҥа турунуу табыллыаҕа. Уруккуттан ыра санаа оҥостубут санааҕын ситиһиэххин сөп.

СКОРПИОН

Айар талааныҥ арыллан олоҕу саҥалыы ылыныаҥ. Иистэниэххин, уһаныаххын баҕарыаҥ. Чугас дьонуҥ өйөбүллэрэ санааҕын кынаттыа.

ОХЧУТ

Эппит тылгар ардыгар турбаккаҕын, дьон эн тускунан соччото суох өйдөбүллээх хаалар эбит. Саҕалаабыт дьыалаҕын тиһэҕэр тиэрдэргэ кыһан. Үлэҕэр-хамнаскар барыта этэҥҥэ.

ЧУБУКУ

Дьону кытта сыһыаннаһыыга арыый туттуна соҕус сырт. Эн көнө майгыгын туһана сатааччы онто суох элбэх. Ис кыаххын сатаан туһаммакка, ардыгар муунтуйаҕын.

КҮРҮЛГЭН

Дьиэ кэргэҥҥэр харчыттан сылтаан өйдөспөт түгэн үөскүөн сөп. Оҕолор да болҕомто, үп-харчы ирдииллэр. Онон арыый киэҥ көҕүстэнэн, сүбэнэн-соргунан салайтар.

БАЛЫКТАР

Үгүс доҕоттор, дьүөгэлэр онно-манна кучуйуохтара. Онно киирэн биэрбэт гына сырыт. Аһыы утаҕы иһэн сыыһа-халты ону-маны саҥарыаххын сөп. Хопко-сипкэ кыттыһыма.