Гороскуоп: кулун тутар 16-23 күннэрэ

Хой

Сааскы халлаан туруга эн ис туруккар эмиэ дьайар буолбут. Уһун кыһын кэнниттэн уһуктубут курдук буолуоҥ. Саҥаны саҕалыаххын, тугу эрэ оҥоруоххун, элбэх дьонноох сиргэ сылдьыаххын баҕарар буолбуккун. Сып-сап хамсанан ис.

Оҕус

Бу күннэргэ санааҥ көтөҕүллэ сылдьар. Саҥа саҕалааһыннар үтүөнү эрэ түстүөхтэрэ. Уруккуттан санаа ымыыта оҥостубут дьыалаҥ ситиһиилэнэриттэн чугас дьонуҥ, доҕотторуҥ эмиэ дьоллоноллор.

Игирэлэр

Нэдиэлэ сэргэхтик уонна уратытык саҕаламмыт. Тус олоххор былаан­наммыккын ситиһиэххин сөп. Онуоха дьону кытта түргэнник уопсай тылы булар дьоҕуруҥ эмиэ көмөлөөх буолуоҕа.

Араак

Ыраах айаҥҥа турунуу, саҥа быра­йыак ситиһиини түстүүр. Чугас киһигин кытта бииргэ сылдьыы сыһыаҥҥытын өссө тупсарыа. Дьиэ кыһалҕатыгар үтүрүйтэрбэккэ, инниҥ диэки баран ис.

Хахай

Оҕолоргор болҕомто ууруоххун наада буолбут. Эйигиттэн тугу эрэ кистиир курдуктар. Аһаҕастык кэпсэтэн кыһалҕаларын быһаарарга көмөлөөх буолуоҥ.

Кыыс

Дьиэҕин-уоккун тупсарыаххын, эбии мал-сал атыылаһыаххын саныыгын. Ол эрээри туохха да бириэмэҥ тиийбэт курдук. Кэлэр өрөбүллэргин эрдэттэн былааннаан туһалаахтык атаарарга дьулус.

Ыйааһын

Кыһалҕаҕын барытын сааһылаан баран ыраах кыйдыаххын баҕараҕын. Күүстээх санаа уонна тулуур кылгас кэмҥэ үөскээбит уустуктары туоратарга көмөлөһүөҕэ.

Скорпион

Айар талааныҥ арыллан олоҕу саҥалыы ылыныаҥ. Иистэниэххин, уһаныаххын баҕарыаҥ. Чугас дьонуҥ өйөбүллэрэ санааҕын кынаттыа. Ситиһиилээх ыраах айан кэтэһэр.

Охчут

Эппит тылгар ардыгар турбаккаҕын, дьон эн тускунан соччото суох өйдөбүллээх хаалар эбит. Саҕалаабыт дьыалаҕын тиһэҕэр тиэрдэргэ кыһан. Үлэҕэр-хамнаскар барыта этэҥҥэ.

Чубуку

Дьону кытта сыһыаннаһыыга арыый туттуна соҕус сырыт. Чугас киһигин, доҕотторгун хомотоҥҥун соҕотохсуйуоххун сөп. Эрдэттэн маны туоратарга кыһан.

Күрүлгэн

Дьиэ кэргэҥҥэр харчыттан сылтаан өйдөспөт түгэн үөскүөн сөп. Оҕолор да болҕомто, үп-харчы ирдииллэр. Онон арыый киэҥ көҕүстэнэн, сүбэнэн-соргунан салайтар.

Балыктар               

Доҕордоһуу, истиҥ сыһыан хаһан даҕаны иэскэ баайыллыбат. Дьону кытта эйэлээх сыһыаны олохтуурга кыһан. Оҕолор кыһалҕалара инники күөҥҥэ туруоҕа. Дьиэ кэргэҥҥэ тыҥааһыннаах түгэн үөскээтэҕинэ, киэҥ көҕүстэнэргин умнума.